Motorola Edge 70: 5.99mm సూపర్ స్లిమ్, 50MP ట్రిపుల్ కెమెరా తో డ్యూట్!

Motorola Edge 70: స్మార్ట్‌ఫోన్ మార్కెట్‌లో మోటరోలా మరోసారి తన స్థాయి చూపించడానికి సిద్ధమైంది. మిడ్‌రేంజ్ ఫ్లాగ్‌షిప్ స్మార్ట్‌ఫోన్ Motorola Edge 70ను కంపెనీ నవంబర్ 5న లాంచ్ చేయనుంది.స్టైల్, పనితీరు, మరియు బ్యాటరీ లైఫ్ పరంగా ఈ ఫోన్‌పై ఇప్పటికే పెద్ద అంచనాలు ఉన్నాయి. డిజైన్ విషయానికి వస్తే, Edge 70 ప్రధాన ఆకర్షణ దాని సన్నని సైజ్. కేవలం 5.99mm మందంతో ఇది ఇప్పటివరకు మోటరోలా రూపొందించిన అత్యంత సన్నని స్మార్ట్‌ఫోన్‌గా నిలుస్తుంది. 4,800mAh సామర్థ్యం గల సిలికాన్ కార్బన్ బ్యాటరీని సన్నని బాడీలో సమీకరించడం విశేషం. ఇది ఐఫోన్ ఎయిర్ (3,149mAh) మరియు గెలాక్సీ S25 ఎడ్జ్ (3,900mAh) కంటే ఎక్కువ సామర్థ్యం కలిగిన బ్యాటరీ. 68W వైర్డ్ మరియు 15W వైర్‌లెస్ ఛార్జింగ్ సపోర్ట్ తో ఒకసారి పూర్తి ఛార్జ్ చేస్తే రెండు రోజుల వరకు బ్యాటరీ లైఫ్ అందించగలదని కంపెనీ తెలిపింది.పనితీరులో ఈ ఫోన్ క్వాల్కమ్ స్నాప్‌డ్రాగన్ 7 జెన్ 4 ప్రాసెసర్ ద్వారా శక్తివంతంగా పనిచేస్తుంది. 12GB LPDDR5X ర్యామ్ మరియు 512GB వరకు UFS 3.1 స్టోరేజ్ ఆప్షన్లలో లభిస్తుంది. గీక్‌బెంచ్ 6 స్కోర్ల ప్రకారం, దీని పనితీరు Edge 60 Proలోని మీడియాటెక్ డైమెన్సిటీ 8350 కు సమానం.డిస్‌ప్లే పరంగా, 6.7 అంగుళాల 1.5K pOLED ప్యానెల్ ఉంది, 120Hz రిఫ్రెష్ రేట్ మరియు 4,500 నిట్‌ల పీక్ బ్రైట్‌నెస్ అందిస్తుంది. దీన్ని గొరిల్లా గ్లాస్ 7i రక్షిస్తుంది. కెమెరా సెటప్‌లో కూడా Edge 70 ఆకట్టుకునే విధంగా ఉంది. వెనుక భాగంలో డ్యూయల్ 50MP కెమెరాలు (ప్రధాన + అల్ట్రావైడ్) మరియు ముందు భాగంలో 50MP ఫ్రంట్ కెమెరా ఇవ్వబడ్డాయి.చైనా మార్కెట్‌లో ఈ ఫోన్ Moto X70 Air పేరుతో విడుదలైంది. 12GB + 256GB మోడల్ ధర 32,300 రూపాయలు (2,599 యువాన్) కాగా, 12GB + 512GB మోడల్ ధర 36,000 రూపాయలు (2,899 యువాన్). ప్రారంభ ఆఫర్‌లలో ధర మరింత తగ్గే అవకాశముంది.