బాడీలో రక్తసరఫరా తగ్గితే నడిచేటప్పుడు కొన్ని లక్షణాలు ఇవే

శరీరానికి పోషకాలు, ఆక్సీజన్‌ని పంపిణీ చేయడానికి రక్తప్రసరణ చాలా ముఖ్యమైంది.ఇది తగ్గితే మన బాడీకి సరైన పోషకాలు అందవు. దీని వల్ల ఎన్నో సమస్యలు వస్తాయి. ముఖ్యంగా కాళ్ళలో రక్తసరఫరా తగ్గినప్పుడు కాళ్ళు తిమ్మిర్లు రావడం, పిక్కలు పట్టేయడం వంటివి జరుగుతాయి. కాళ్ళలో రక్తప్రసరణ సరిగ్గా లేకపోవడానికి ఎన్నో కారణాలు ఉంటాయి. ధమనులు ఇరుగ్గా మారడం, రక్తం గడ్డకట్టడం, బలహీనమైన సిరలు, ఇవి రక్తప్రవాహానికి ఆటంకంగా మారతాయి. ప్రసరణ సమస్యల్ని తగ్గించాలంటే ముందుగా సమస్యని అర్థం చేసుకోవడం చాలా ముఖ్యం. లేదంటే ఇది ఫ్యూచర్‌లో పెద్ద పెద్ద సమస్యలుగా మారతాయి. కాళ్ళపై మాత్రమే కాకుండా ఇతర అవయవాలని కూడా దెబ్బతీస్తుంది. కాబట్టి, సమస్యని ముందుగా గుర్తించడం, కారణాలని కనుక్కోవడం చాలా ముఖ్యం.

రక్తసరఫరా తగ్గడానికి కారణాలు

వయసు

వయసు పెరిగిన వృద్దులలో ఎక్కువగా ఈ సమస్య వస్తుంది.

అథెరోస్క్లెరోసిస్

ధమనులు గట్టిపడడ్డం వల్ల అథెరోస్క్లెరోసిస్, ప్రసరణ సమస్యలకి ప్రధాన కారణం. దీనిని పట్టించుకోకుండా వదిలేస్తే పెరిఫెరల్ ఆర్టరీ డిసీజ్‌గా మారుతుంది

పర్యావరణ, జన్యుపరమైన అంశాలు

మనం చల్లని వాతావరణంలో ఉంటున్నా కూడా సమస్య వస్తుంది. దీనికి కారణం రక్తనాళాలు కుదించుకుని పోతాయి. ప్రసరణ జరగ్గా ఉండదు. కొంతమందికి జన్యుపరంగా సమస్య వస్తుంది.

డీప్ వెయిన్ థ్రాంబోసిస్

డీప్ వెయిన్ థ్రాంబోసిస్, లోతైన సిరల్లో రక్తం రక్తం గడ్డకట్టే రకం అంటే కాళ్ళు కింద భాగంలో తొడల్లో రక్తం గడ్డ కట్టడం.

డయాబెటిస్

​షుగర్ ఉన్నవారికి రక్తప్రసరణ సరిగా ఉండదు. మూత్రపిండాల వ్యాధి, గుండె సమస్యలు, స్ట్రోక్ వంటి సమస్యలకి కారణమవుతుంది.

ఎక్కువసేపు కూర్చోవడం, నిల్చోవడం

సరిలేని లైఫ్‌స్టైల్ కారణంగా రక్తప్రసరణ సరిగ్గా ఉండదు. ఎక్కువసేపు కూర్చోవడం, నిలబడడం వల్ల రక్తప్రసరణ నెగెటీవ్‌గా ఉంటుంది.

ఊబకాయం

అధిక బరువు ఉన్నా ఎముకలు, కీళ్ళ సమస్యలు వస్తాయి.

ధూమపానం

ధూమపానం కారణంగా రక్తప్రసరణ తగ్గుతుంది.

సిరల లోపం

సిరల లోపం ఉంటే రక్తం గుండెకి తిరిగి రావడానికి బదులుగా సిరల్లో పేరుకుపోతుంది.

రక్తప్రసరణ తగ్గితే కనిపించే లక్షణాలు

సిరల వాపు, ధమనుల వాపు

కాళ్ళు, పాదాలు బరువుగా మారడం

చర్మ రంగు మారడం

కాళ్ళు, పాదాల వాపు

చర్మ కమిలిపోయినట్లుగా మారడం

పుండ్లు

కడుపునొప్పి, అసౌకర్యం

కాళ్ళు, పాదాలకి రెస్ట్ లేకపోవడం

తిమ్మిరి, జలదరింపు

కాళ్ళ నొప్పులు

కాళ్ళు, పాదాలపై వెంట్రుకలు పెరగకపోవడం

కాళ్ళ గోళ్లు లేట్‌గా పెరగడం

సడెన్‌గా కాళ్ళ నొప్పి, వాపు, ఛాతీ నొప్పి, తలతిరగడం

ఇలాంటి లక్షణాలు ఉంటే డాక్టర్ దగ్గరికి వెంటనే వెళ్లడం మంచిది. దీంతో ముందుగా వచ్చే ప్రమాదాలను అడ్డుకోవచ్చు.

ట్రీట్‌మెంట్

రక్తప్రసరణ తగ్గడానికి ట్రీట్‌మెంట్ అనేది మీకు ఉన్న సమస్యపై ఆధారపడి ఉంటుంది. కొన్నిసార్లు మెడిసిన్స్‌తో సమస్య తగ్గుతుంది. సమస్య తీవ్రత ఎక్కువగా ఉంటే యాంజియోప్లాస్టి, బైపాస్ సర్జరీ వంటివి చేస్తారు. ముందుగా టెస్ట్ సమస్యని అర్థం చేసుకుని దాని ప్రకారం ట్రీట్‌మెంట్ ఉంటుంది. ట్రీట్‌మెంట్ చేయకుండా సమస్య దానంతట అది తగ్గదు. దీని వల్ల మరిన్ని సమస్యలు వస్తాయి. కాళ్ళకి ఏదైనా గాయమైతే తగ్గడానికి టైమ్ పడుతుంది. కాబట్టి, ముందుగానే అలర్ట్ అయి డాక్టర్‌ని కలవడం మంచిది.

వాస్కులర్ ట్రీట్‌మెంట్

కొంతమందికి యాంజియోప్లాస్టి, బైపాస్ సర్జరీ అవసరముంటాయి. వీటిని ఎప్పటికీ నిర్లక్ష్యం చేయొద్దు. దీని వల్ల రక్తప్రవాహం మెరుగ్గా మారి, లక్షణాలు తగ్గుతాయి. అదే విధంగా, ట్రీట్‌మెంట్ తర్వాత రెగ్యులర్‌గా డాక్టర్‌‌తో చెక్ చేసుకోవడం మంచిది. దీని వల్ల సమస్యని ముందుగానే కనిపెట్టొచ్చు. ఎప్పటికప్పుడు మానిటర్ చేయడం వల్ల సమస్యని దూరం చేసుకోవచ్చు.

సమస్య రాకుండా జాగ్రత్తలు

రెగ్యులర్‌గా వర్కౌట్ చేయాలి. కాళ్ళని ఎత్తులో ఉంచాలి. మనకి సౌకర్యన బట్టలు వేసుకోవడం. సిగరెట్ స్మోకిగ్ తగ్గించడం, హెల్దీ వెయిట్ మెంటెయిన్ చేయాలి. రెగ్యులర్‌ వర్కౌట్ మంచిది. హెల్దీ బరువుని మెంటెయిన్ చేస్తే రక్తంలో షుగర్, కొలెస్ట్రాల్ తగ్గుతుంది. దాల్చిన చెక్క, డార్క్ చాక్లెట్, నైట్రేట్ ఎక్కువగా ఉండే ఫుడ్స్, డార్క్ బెర్రీస్, హెద్దీ ఫ్యాట్స్ వంటివి తీసుకుంటే ప్రసరణ మెరుగ్గా మారతుుంది. అదే విధంగా, హైడ్రేట్‌గా ఉండాలి. నీరు ఎక్కువగా తాగాలి. చేపలు, నట్స్ వంటి ఒమేగా 3 ఫ్యాటీ యాసిడ్స్ ఎక్కువగా తీసుకోవాలి. ఒత్తిడిని తగ్గించుకోవాలి.