ట్రెండింగ్
ఏపీఎస్ఆర్టీసీలో ఉన్న ఖాళీలని భర్తీ చెయ్యాలి
Andhra Pradesh Telugu | Suryaa Desk | Published : Thu, Nov 06, 2025, 05:23 PM
ఏపీఎస్ఆర్టీసీ ప్రక్షాళన దిశగా నూతన పాలకమండలి కీలక అడుగులు వేస్తోంది. సంస్థలో ఖాళీగా ఉన్న 9 వేలకు పైగా ఉద్యోగాలను భర్తీ చేయాలని ప్రభుత్వానికి సిఫారసు చేయడంతో పాటు, గత ప్రభుత్వ హయాంలో తీసుకున్న కొన్ని వివాదాస్పద నిర్ణయాలపై సమీక్ష జరపాలని నిర్ణయించింది. నిన్న విజయవాడలోని ఆర్టీసీ ప్రధాన కార్యాలయంలో సంస్థ చైర్మన్ కొనకళ్ల నారాయణ రావు అధ్యక్షతన పాలక మండలి సమావేశం జరిగింది. ఈ సమావేశంలో ఆర్టీసీ ఎండీ ద్వారకా తిరుమల రావు, వైస్ చైర్మన్ మునిరత్నం, జోనల్ చైర్మన్లు, బోర్డు డైరెక్టర్లు పాల్గొన్నారు. ఆర్టీసీని ఆర్థికంగా బలోపేతం చేస్తూనే, ప్రయాణికులకు మెరుగైన సేవలు అందించడమే లక్ష్యమని కొనకళ్ల నారాయణ తెలిపారు. గత ప్రభుత్వంలో తీసుకున్న నిర్ణయాలను సమీక్షించడంతో పాటు, భవిష్యత్ కార్యాచరణపై చర్చించి పలు కీలక నిర్ణయాలు తీసుకున్నట్లు ఆయన వెల్లడించారు.
|
|