‘బిగ్ బాస్ 9’లో సంచలనం! రాము రాథోడ్ సెల్ఫ్ ఎలిమినేషన్‌తో గేమ్ తలకిందులు

ప్రస్తుతం బిగ్ బాస్ 9 హౌస్‌లో ఉన్న స్ట్రాంగ్ కంటెస్టెంట్స్ లిస్ట్ తీస్తే, రాము రాథోడ్ పేరు తప్పక వస్తుంది. టాస్కుల్లో అద్భుతంగా ఆడటం, తోటి కంటెస్టెంట్స్‌తో కలసిమెలసి నడుచుకోవడం, అలాగే ఎంటర్టైన్‌మెంట్ అందించడం — ఈ మూడు రంగాల్లో రాము ఎప్పుడూ ముందుండేవాడు. అందుకే ఆడియన్స్ కూడా ఆయన్ని ఈ సీజన్‌లోని టాప్ కంటెస్టెంట్‌గా భావించారు.అయితే గత కొన్ని వారాలుగా రాము తన కుటుంబాన్ని బాగా మిస్ అవుతున్నాడు. రెండో వారం నుంచే ఆయన తన అమ్మానాన్నల కోసం తలచుకొని కన్నీళ్లు పెట్టుకున్న సందర్భాలు ఉన్నాయి. అయినప్పటికీ భరణి అన్న, తనూజ అక్కతో ఉన్న సాన్నిహిత్యం వల్ల కొంత ధైర్యంగా ఉన్నాడు. హౌస్‌లో ఎక్కువ సమయం వేళ్లతోనే గడిపిన రాము, ఈ మధ్య పూర్తిగా ఎమోషనల్‌గా మారిపోయాడు.ఇటీవలి రోజుల్లో ఆయన “ఈ వారం చివర్లో హౌస్ నుంచి వెళ్తాను” అని తనూజ, భరణి, ఇమ్మానుయేల్‌లకు పలుమార్లు చెప్పాడట. ఫ్యామిలీ వీక్‌లో తన కుటుంబం హౌస్‌లోకి వస్తే, వారిని చూసిన తర్వాత తాను ఆగలేనని, వారితో కలిసి వెళ్ళిపోతానని కూడా తనూజకు చెప్పాడు. అంతేకాక నాగార్జునతో ఈ విషయం గురించి తానే మాట్లాడలేనని, తన స్థానంలో తనూజ మాట్లాడి తనను బయటకు పంపమని రిక్వెస్ట్ కూడా చేశాడట.హౌస్‌మేట్స్ అందరూ రామును ఒప్పించే ప్రయత్నం చేసినప్పటికీ, చివరికి ఆయన నిర్ణయం మార్చుకోలేదు. నేటి ఎపిసోడ్ షూటింగ్ సమయంలో రాము ఎలిమినేట్ అయ్యాడని సమాచారం. “మేమంతా చాలా ప్రయత్నించాము సార్, కానీ రాము ఉండలేకపోయాడు” అని హౌస్‌మేట్స్ నాగార్జునకు చెప్పారట. నాగార్జున కూడా చాలా సేపు రామును హౌస్‌లో ఉంచేలా మాట్లాడే ప్రయత్నం చేశాడని తెలుస్తోంది.మొదట ఈ వారం డబుల్ ఎలిమినేషన్ ప్లాన్ చేసినా, చివరి నిమిషంలో అది సింగిల్ ఎలిమినేషన్‌గా మార్చారట. అలా అయితే రాము రాథోడ్, సాయి శ్రీనివాస్ డేంజర్ జోన్‌లో ఉన్నారని వార్తలు వచ్చాయి. అందరూ సాయి శ్రీనివాస్ ఎలిమినేట్ అవుతాడని అనుకున్నప్పటికీ, రాము అకస్మాత్తుగా తీసుకున్న ఈ సెల్ఫ్ ఎలిమినేషన్ నిర్ణయం వల్ల బిగ్ బాస్ టీమ్ షాక్‌కు గురైంది.ఇప్పుడు ఆదివారం ఎపిసోడ్ కోసం స్క్రిప్ట్ మొత్తం రీ–రైట్ చేయాల్సిన పరిస్థితి ఏర్పడింది. ఈ వారం హౌస్‌లో పెద్ద గొడవలు జరిగినందున, నాగార్జున వాటి గురించి మాట్లాడతారని ఊహించారు. కానీ రాము వెళ్లిపోవడంతో పరిస్థితి పూర్తిగా మారిపోయింది. ఇక ఇప్పుడు బిగ్ బాస్ టీమ్ ఏం చేస్తుంది? రామును సెల్ఫ్ ఎలిమినేషన్‌గా చూపిస్తారా? లేక తక్కువ ఓట్లు వచ్చిన మరొకరిని బయటకు పంపిస్తారా? లేక ఈ వారం ఎలిమినేషన్ లేదని ప్రకటిస్తారా? అన్నదానిపై అభిమానుల్లో ఆసక్తి పెరిగింది.