మెంతులు – చిన్న గింజ, పెద్ద ఆరోగ్యం! నానబెట్టి తినడం వల్ల కలిగే మిరాకిల్ ఫలితాలు

మెంతులు చిన్నవే కానీ రుచికి కొంచెం చేదుగా ఉన్నా, వాటి ఆరోగ్య ప్రయోజనాలు చాలా ఉన్నాయి. ప్రాచీన ఆయుర్వేదం నుండి ఆధునిక శాస్త్ర పరిశోధన వరకు మెంతుల ఫలితాలపై పలు ఆధారాలు ఉన్నాయి.నిపుణుల సూచనల ప్రకారం, రాత్రంతా నానబెట్టిన మెంతులను ఉదయాన్నే ఖాళీ కడుపుతో తీసుకోవడం ఆరోగ్యానికి ఎంతో మేలు చేస్తుంది. అయితే, మెంతులను తీసుకునే సమయంలో కొన్ని జాగ్రత్తలు పాటించాలి, ముఖ్యంగా షుగరు సమస్యలున్నవారికి.మెంతుల్లో ఉండే పీచు పదార్థం (మ్యూసిలేజ్) జీర్ణ వ్యవస్థలో మేలు చేస్తుంది. ఇది మంచి బ్యాక్టీరియా పెరగడానికి సహకరిస్తుంది, మలబద్ధకం, గ్యాస్, ఎసిడిటీ, కడుపు ఉబ్బరం వంటి సమస్యలను తగ్గిస్తుంది. ఉదయం ఖాళీ కడుపుతో నానబెట్టిన మెంతులు తీసుకుంటే జీర్ణవ్యవస్థ ప్రభావవంతంగా పనిచేస్తుంది.అలాగే, మెంతులోని ప్రొటీన్, పీచు, మెగ్నీషియం కండరాల ఆరోగ్యానికి, వ్యాయామం తర్వాత అలసిన కండరాలను రిలాక్స్ చేయడానికి, గాయాల నుంచి వేగంగా కోలుకోవడానికి సహాయపడతాయి. కొన్ని అధ్యయనాల ప్రకారం, మెంతులు చెడు కొలెస్ట్రాల్ స్థాయిలను తగ్గించి, గుండె జబ్బుల ప్రమాదాన్ని కూడా తగ్గిస్తాయి. ఫ్లేవనాయిడ్లు ఈ ప్రక్రియలో ముఖ్య పాత్ర పోషిస్తాయి.అలాగే, నానబెట్టిన మెంతులు రక్తంలో చక్కెర స్థాయిలను నియంత్రించడంలో అద్భుతంగా పనిచేస్తాయి. మెంతులో అధిక ఫైబర్ జీర్ణక్రియను నెమ్మదిగా చేస్తుంది. దీని వల్ల ఆహారంలో ఉన్న కార్బోహైడ్రేట్లు, గ్లూకోజ్ రక్తంలో నెమ్మదిగా విడుదల అవుతాయి. “హైడ్రాక్సిసిల్యూసిన్-4” అనే అమైనో ఆమ్లం ఇన్సులిన్ ఉత్పత్తిని పెంచి, కణాలు ఇన్సులిన్‌ను సరిగ్గా గ్రహించడానికి సహాయపడుతుంది. ప్రీడయాబెటిస్ ఉన్నవారు రోజుకు సుమారు 10 గ్రాముల మెంతులు తీసుకుంటే డయాబెటిస్ వచ్చే ప్రమాదం తగ్గే అవకాశం ఉంది, అని నేషనల్ లైబ్రరీ ఆఫ్ మెడిసిన్ (NLM) అధ్యయనం తెలిపింది.తాజాగా, మెంతులు ఆరోగ్యానికి ఎంతో మంచివి అయినప్పటికీ, కొన్ని జాగ్రత్తలు తప్పనిసరి. ముఖ్యంగా డయాబెటిస్, గర్భిణి మహిళలు, ఇతర ఆరోగ్య సమస్యలున్నవారు, మెంతులను తీసుకునే ముందు వైద్యుల సలహా తీసుకోవడం అవసరం.