డిసెంబర్ 15న ఐపీఎల్ 2026 వేలం జరిగే అవకాశం
sports | Suryaa Desk | Published : Sun, Nov 09, 2025, 10:07 PM
ఐపీఎల్ 2026 వేలానికి సంబంధించి కీలక అప్డేట్ వచ్చింది. ఈ మినీ వేలం వచ్చే నెలలో జరిగే అవకాశం ఉన్నట్లు వార్తలు వస్తున్నాయి. ముఖ్యంగా డిసెంబర్ 15వ తేదీన ఈ ప్రక్రియ జరగనున్నట్లు తెలుస్తోంది. ఈ మేరకు ఇదే తేదీని ఖరారు చేయాలని భారత క్రికెట్ నియంత్రణ మండలి (బీసీసీఐ) భావిస్తోందని సమాచారం. ఇక ఇప్పటికే అన్ని ఫ్రాంఛైజీలకు ఈ విషయంపై సమాచారం అందినట్లు వార్తలు వస్తున్నాయి.
ఐపీఎల్ 2026 మినీ వేలానికి సంబంధించి.. అన్ని ఫ్రాంఛైజీలు నవంబర్ 15 లోపు తమ రిటెన్షన్ లిస్ట్ను సమర్పించాల్సి ఉంటుంది! గత రెండు సీజన్లలో వేలం విదేశాల్లో జరిగింది. 2023లో దుబాయిలో, 2024లో సౌదీ అరేబియాలోని జెడ్డాలో వేలం ప్రక్రియ నిర్వహించారు. కానీ ఈసారి మాత్రం భారత్లో నిర్వహించాలని బీసీసీఐ యోచిస్తోందట. ముంబై లేదా ఢిల్లీలో వేలం జరిగే అవకాశం ఉంది.
ఇక ఈసారి జరిగేది మినీ వేలమే. కానీ వేలానికి ముందు జరిగే ట్రేడ్ డీల్పై సర్వత్రా ఆసక్తి నెలకొంది. దీనిపై నవంబర్ 15 నాటికి క్లారిటీ రానుంది. ఇక ఈసారి అన్ని ఫ్రాంఛైజీల ఆసక్తి ఆస్ట్రేలియా ఆల్రౌండర్ కామెరూన్ గ్రీన్పై ఉంది. గాయం కారణంగా గత సీజన్కు అతడు దూరమయ్యాడు. ప్రస్తుతం అద్భుతమైన ఫామ్లో ఉన్నాడు. దీంతో అతడి కోసం ఫ్రాంఛైజీలు కోట్లు గుమ్మరించొచ్చు. మరోవైపు మహిళల ప్రీమియర్ లీగ్ 2026కు సంబంధించిన మెగా వేలం నవంబర్ 27న జరగనుంది. ఇప్పటికే టోర్నీలోని ఐదు ఫ్రాంఛైజీలు తాము రిటైన్ చేసుకున్న ఆటగాళ్ల వివరాలను వెల్లడించాయి.
ఐదు డబ్ల్యూపీఎల్ ఫ్రాంఛైజీలు రిటైన్ చేసుకున్న ఆటగాళ్లు ఎవరంటే..
*రాయల్ ఛాలెంజర్స్ బెంగళూరు..
స్మృతి మంధాన
రిచా ఘోష్
ఎలిసా పెర్రీ
శ్రేయాంకా పాటిల్
*ముంబై ఇండియన్స్..
నాట్స్కివర్ బ్రంట్
హర్మన్ప్రీత్ కౌర్
హేలీ మ్యాథ్యూస్
అమన్జ్యోత్ కౌర్
జి.కమిలిని
*ఢిల్లీ క్యాపిటల్స్..
జెమీమా రోడ్రిగ్స్
షెఫాలీ వర్మ
అన్నాబెల్ సదర్ల్యాండ్
మారిజాన్ కాప్
నికీ ప్రసాద్
*గుజరాత్ జెయింట్స్..
ఆష్లీ గార్డనర్
బెత్ మూనీ
*యూపీ వారియర్స్..
శ్వేతా సెహ్రావత్
|
|