రేపటి నుంచే,,,,మ్యూచువల్ ఫండ్స్‌లో మరో 7 కొత్త స్కీమ్స్

మీరు ఈక్విటీల్లో ఇన్వెస్ట్ చేస్తున్నారా? కొత్త స్కీమ్ కోసం వేచి చూస్తుంటే మీకు అదిరే న్యూస్. ఎందుకంటే ఈ వారం ఏకంగా 7 మ్యూచువల్ ఫండ్ పథకాలు లాంచ్ అవుతున్నాయి. వాటితో పాటుగా ఒక ఎస్ఎఫ్ఐ పథకాలు సబ్‌స్క్రిప్షన్ కోసం వస్తోంది. అసెట్ మేనేజ్మెంట్ కంపెనీలు తమ పోర్ట్‌ఫోలియోలను వైవిధ్యంగా మార్చి అన్ని సెగ్మెంట్లలో ఇన్వెస్ట్ చేసేందుకు కొత్త స్కీమ్స్ లాంచ్ చేస్తున్నాయి. మొత్తం ఏడు కొత్త ఫండ్స్‌లో రెండు సెక్టోరల్ ఫండ్స్, ఒక థెమాటిక్ ఫండ్, స్మాల్ క్యాప్, మనీమార్కెట్ ఫండ్, మల్టీ అసెట్ అలకేషన్ ఫండ్‌తో పాటు ఒక ఈటీఎఫ్ ఉన్నాయి. లాంగ్ షార్ట్ స్ట్రాటజీతో ఒక ఎస్ఎఫ్ఐ స్కీమ్ వస్తోంది.

సెక్టోరల్ ఫండ్స్ కేటగిరీ నుంచి బంధన్ మ్యూచువల్ ఫండ్ ఏఎంసీ బంధన్ హెల్త్ కేర్ ఫండ్ ఉంది. అలాగే బజాజ్ ఫిన్‌సర్వ్ ఏఎంసీ నుంచి బజాజ్ ఫిన్‌సర్వ్ బ్యాంకింగ్ అండ్ ఫైనాన్షియల్ సర్వీసెస్ స్కీమ్స్ నవంబర్ 10వ తేదీ నుంచి సబ్‌స్క్రిప్షన్ మొదలు పెడుతున్నాయి. నవంబర్ 24వ తేదీ వరకు అందుబాటులో ఉంటాయి. ఇక స్మాల్ క్యాప్ కేటగిరీలో సామ్కో స్మాల్ క్యాప్ ఫండ్ సబ్‌స్క్రిప్షన్ సైతం నవంబర్ 10న మొదలై నవంబర్ 28వ తేదీ వరకు అందుబాటులో ఉంటుంది.

థెమాటిక్ ఫండ్ కేటగిరీలో ఫ్రాంక్లిన్ ఇండియా మ్యూచువల్ ఫండ్ ఏఎంసీ నుంచి ఫ్రాంక్లిన్ ఇండియా మల్టీ ఫ్యాక్టర్ ఫండ్ అందుబాటులోకి వస్తోంది. ఈ స్కీమ్ సబ్‌స్క్రిప్షన్ నవంబర్ 10వ తేదీన ప్రారంభమై నవంబర్ 24వ తేదీ వరకు కొనసాగనుంది. మల్టీ అసెట్ అలకేషన్ ఫండ్ కేటగిరీ నుంచి పీజీఐఎం ఇండియా మ్యూచువల్ ఫండ్ ఏఎంసీ పీజీఐఎం ఇండియా మల్టీ అసెట్ అలకేషన్ ఫండ్ లాంచ్ అవుతోంది. ఈ స్కీమ్ సబ్‌స్క్రిప్షన్ నవంబర్ 11 నుంచి 25వ తేదీ వరకు కొనసాగుతుంది.

మనీ మార్కెట్ ఫండ్ కేటగిరీ నుంచి గ్రో మ్యూచువల్ ఫండ్ ఏఎంసీ గ్రో మనీ మార్కెట్ ఫండ్ లాంచ్ చేస్తోంది. ఈ స్కీమ్ సబ్‌స్క్రిప్షన్ నవంబర్ 10వ తేదీ నుంచి 17వ తేదీ వరకు కొనసాగనుంది. ఈటీఎఫ్ కేటగిరీలో డీఎస్‌పీ ఎంఎస్‌సీఐ ఇండియా ఈటీఎఫ్ స్కీమ్ లాంచ్ అవుతోంది. ఈ న్యూ ఫండ్ ఆఫర్ సబ్‌స్క్రిప్షన్ నవంబర్ 10వ తేదీన మొదలై నవంబర్ 17 వరకు కొనసాగుతుంది. వీటితో పాటుగా డివినిటీ ఈక్విటీ లాంగ్ షార్ట్ ఫండ్ లాంచ్ అవుతోంది. ఐటీఐ మ్యూచువల్ ఫండ్ నుంచి వస్తోన్న ఒక ఎస్ఎఫ్ఐ స్కీమ్. ఈ ఫండ్ సబ్‌స్క్రిప్షన్ నవంబర్ 10-24వ తేదీ వరకు కొనసాగనుంది.