దక్షిణాఫ్రికాతో తొలి టెస్ట్ నుంచి నితీశ్ రెడ్డి ఔట్.. బీసీసీఐ కీలక ప్రకటన

దక్షిణాఫ్రికాతో తొలి టెస్టుకు ముందు బీసీసీఐ కీలక నిర్ణయం తీసుకుంది. తొలుత ఈ సిరీస్‌ కోసం ఎంపిక చేసిన జట్టులో ఉన్న నితీశ్ కుమార్ రెడ్డిని తొలి టెస్టు నుంచి తప్పించింది. తొలి టెస్టుకు అతడు అందుబాటులో ఉండట్లేదని పేర్కొంది. దక్షిణాఫ్రికా ఏ, ఇండియా ఏ జట్ల మధ్య జరిగే వన్డే సిరీస్‌లో ఆడేందుకు అతడిని జట్టు నుంచి విడుదల చేసినట్లు వెల్లడించింది. ఇదే సమయంలో దక్షిణాఫ్రికాతో రెండో టెస్టు నాటికి అతడు మళ్లీ జట్టులో చేరతాడని వెల్లడించింది. ఈ మేరకు బుధవారం రాత్రి ఓ ప్రకటన విడుదల చేసింది.

బీసీసీఐ ప్రకటన ప్రకారం నితీశ్ కుమార్ రెడ్డి త్వరలోనే ఇండియా ఏ జట్టుతో కలవనున్నాడు. రాజ్‌కోట్‌లోని నిరంజన్ షా స్టేడియంలో దక్షిణాఫ్రికా ఏతో భారత్ ఏ.. మూడు వన్డే మ్యాచ్‌లు ఆడనుంది. ఈనెల 13 నుంచి 19 వరకు ఈ సిరీస్ కొనసాగుతుంది. ఈ సిరీస్ తర్వాత నితీశ్ రెడ్డి తిరిగి టీమిండియా టెస్ట్ జట్టులో చేరతాడు. నవంబర్ 14 నుంచి భారత్, దక్షిణాఫ్రికా జట్ల మధ్య తొలి టెస్టు మ్యాచ్ కోల్‌కతాలోని ఈడెన్ గార్డెన్స్ వేదికగా జరగనుంది. నవంబర్ 22 నుంచి గువహటిలో రెండో టెస్ట్ జరుగుతుంది. దక్షిణాఫ్రికా ఏతో వన్డే సిరీస్ 19వ తేదీన ముగియనుంది. ఆ తర్వాత నితీశ్ రెడ్డి.. టెస్ట్ జట్టులోకి వస్తాడు.

దక్షిణాఫ్రికాతో తొలి టెస్ట్‌కు టీమిండియా అప్‌డేటెడ్ స్క్వాడ్‌:

శుభ్‌మన్ గిల్ (కెప్టెన్‌), రిషభ్ పంత్ (వికెట్ కీపర్, వైస్ కెప్టెన్), యశస్వి జైశ్వాల్, కేఎల్ రాహుల్, సాయి సుదర్శన్, దేవ్‌దత్ పడిక్కల్, ధ్రువ్ జురెల్, రవీంద్ర జడేజా, వాషింగ్టన్ సుందర్, జస్‌ప్రీత్ బుమ్రా, అక్షర్ పటేల్, మహమ్మద్ సిరాజ్, కుల్‌దీప్ యాదవ్, ఆకాశ్ దీప్‌

దక్షిణాఫ్రికా ఏతో వన్డే సిరీస్‌కు ఇండియా-ఏ జట్టు:

తిలక్ వర్మ (కెప్టెన్‌), రుతురాజ్ గైక్వాడ్ (వైస్ కెప్టెన్), అభిషేక్ శర్మ, రియాన్ పరాగ్, ఇషాన్ కిషన్ (వికెట్ కీపర్‌), ఆయుశ్ బదోనీ, నిషాంత్ సింధు, విప్రాజ్ నిగమ్, మనవ్ సుథార్, హర్షిత్ రాణా, అర్షదీప్ సింగ్, ప్రసిద్ధ్ కృష్ణ, ఖలీల్ అహ్మద్, ప్రభ్‌ సిమ్రాన్ సింగ్ (వికెట్ కీపర్‌), నితీశ్ కుమార్ రెడ్డి