నాటుకోడి vs బ్రాయిలర్ కోడి: ఏది ఎక్కువ పోషకాలతో ఉంటుందో తెలుసా?

ఆదివారం వచ్చినప్పుడు నాన్ వెజ్ ప్రియులు చాలా ఆసక్తిగా ఎదురుచూస్తారు. అందులో భాగంగా చికెన్‌, మటన్‌, చేపలు, రొయ్యలు వంటి వంటకాలను ఇంటికి తెచ్చి తింటారు లేదా హోటల్స్‌లో లాగించేస్తారు. అయితే ఎక్కువ మంది చికెన్కే ప్రాధాన్యత ఇస్తారు.చికెన్ తినేటప్పుడు, చాలామంది నాటుకోడి లేదా బ్రాయిలర్ కోడి ఎంచుకోవాలో ఆలోచిస్తారు. గ్రామీణ ప్రాంతాల్లో సహజసిద్ధంగా పెరిగిన నాటుకోడ్లు లభిస్తాయి, పట్టణ ప్రాంతాల్లో అయితే ఫారం కోడ్లు అందుబాటులో ఉంటాయి. అయితే ఏది ఎక్కువ పోషకాలు ఇస్తుందో, ఏది ఆరోగ్యానికి మంచిదో తెలుసుకోవడం అవసరం.నాటు కోళ్లు సహజంగా పెరుగుతాయి. ఇవి చిన్న పురుగులు, విత్తనాలు, ధాన్యాలు, గడ్డి వంటి ఆహారాన్ని తిని పెరుగుతాయి. అదే సమయంలో, బ్రాయిలర్ కోళ్లు వేగంగా పెరిగే విధంగా ప్రత్యేక ఆహారం తీసుకుంటాయి. నాటు కోళ్లు 4–6 నెలల్లో పూర్తిగా పెరుగుతాయి, అయితే బ్రాయిలర్ కోళ్లు కేవలం 5–9 వారాల్లో. సహజంగా పెరిగిన నాటు కోళ్ల మాంసం పోషకాలతో సమృద్ధిగా ఉంటుంది మరియు రుచిలో కూడా మెరుగ్గా ఉంటుంది. బ్రాయిలర్ కోళ్ల మాంసంలో కొవ్వు ఎక్కువగా, ప్రోటీన్ తక్కువగా ఉంటుంది. రుచిలో పెద్ద భేదం ఉండదు. నాటు కోళ్లలో కండరాల శాతం ఎక్కువ, కొవ్వు తక్కువగా ఉంటుంది.నాటు కోళ్ల మాంసం ధర కొంచెం ఎక్కువగా ఉంటుంది, కానీ ఆరోగ్య పరంగా ఎక్కువ లాభాలను ఇస్తుంది. నాటు కోళ్లు పెరుగుదల కోసం సాధారణంగా యాంటీబయోటిక్స్ లేదా రసాయనాలు ఉపయోగించబడవు. బ్రాయిలర్ కోళ్లు వేగంగా పెరిగేలా కొన్ని మందులు తీసుకుంటాయి. అందువల్ల పోషకాల పరంగా, ఆరోగ్య పరంగా నాటు కోళ్లు మెరుగ్గా ఉంటాయి.నాటు కోడిలో జింక్ అధికంగా ఉండటం వల్ల రోగ నిరోధక శక్తి పెరుగుతుంది, సీజనల్ వ్యాధులను తగ్గించగలదు. ఐరన్ ఎక్కువగా ఉండటం వలన రక్తహీనతను తగ్గిస్తుంది. బి విటమిన్లు, ముఖ్యంగా విటమిన్ B12 అధికంగా ఉండటం వల్ల నాడీ వ్యవస్థ, మెడ, భుజాల నొప్పులు తగ్గుతాయి, శక్తి స్థాయిలు పెరుగుతాయి.కొవ్వు తక్కువ, కండరాల శాతం ఎక్కువగా ఉండటం వలన హై క్వాలిటీ ప్రోటీన్ లభిస్తుంది, ఇది కండరాలకు శక్తిని ఇస్తుంది. అలాగే, ఒమెగా 3, ఒమెగా 6 ఫ్యాటీ యాసిడ్లు ఎక్కువగా ఉండటం వల్ల గుండె ఆరోగ్యానికి మేలు, వాపులు తగ్గించడం, క్యాన్సర్ ప్రమాదాన్ని తగ్గించడంలో సహాయం చేస్తాయి.కాబట్టి, పోషకాల పరంగా, రుచీ పరంగా నాటు కోడి మాంసం బ్రాయిలర్ కోడికి కంటే మెరుగ్గా ఉంటుందని పోషకాహార నిపుణులు సిఫార్సు చేస్తున్నారు.