యూరిక్ యాసిడ్ తగ్గించేందుకు ఈ చిట్కా పాటిస్తే చాలు

పెరిగిన యూరిక్ యాసిడ్ సమస్య ఇప్పుడు సర్వసాధారణంగా మారింది. చాలా మంది అధిక యూరిక్ యాసిడ్ వల్ల ఇబ్బంది పడుతున్నారు. యూరిక్ యాసిడ్ అనేది మన శరీరంలో ఉత్పత్తి అయ్యే వ్యర్థ పదార్థం. ఇది అధికంగా ఉత్పత్తి అయితే శరీర కీళ్లలో పేరుకుపోయి చిన్న స్ఫటికాలను ఏర్పరుస్తుంది. ఇది గౌట్ అనే ఆర్థరైటిస్ ప్రమాదాన్ని పెంచుతుంది. పెరిగిన యూరిక్ యాసిడ్ పాదాలు, మోకాలు, చేతుల కీళ్లలో వాపు, నొప్పి, మంటను కలిగిస్తుంది.

సైన్స్ డైరెక్ట్‌లో పబ్లిష్ అయిన అధ్యయనం ప్రకారం, ప్రపంచవ్యాప్తంగా సుమారు 60 మిలియన్ల మందికి అధిక యూరిక్ యాసిడ్, గౌట్‌తో బాధపడుతున్నారు. అధిక యూరిక్ యాసిడ్ సకాలంలో నియంత్రించకపోతే మూత్రపిండాలు, కీళ్లపై తీవ్రంగా ప్రభావం చూపుతుంది. ఇక, యూరిక్ యాసిడ్‌ను తగ్గించుకోవడానికి చాలా మంది మందులు వాడతారు. అయినా సరైన ఫలితం ఉండదు. ఇలాంటి వారి కోసం ప్రముఖ ఆయుర్వేద అండ్ యునాని వైద్యుడు డాక్టర్ సలీం జైదీ ఓ చిట్కా చెప్పారు. ఆ చిట్కా ఏంటి, దాన్ని ఎలా వాడాలో ఇప్పుడు తెలుసుకుందాం.

పెరుగుతున్న యూరిక్ యాసిడ్ ముప్పు

యూరిక్ యాసిడ్ అనేది సహజ వ్యర్థ ఉత్పత్తి. ఇది రెట్ మీట్, షుగరీ ఫుడ్స్, సీ ఫుడ్ అధికంగా తీసుకోవడంతో పెరుగుతుంది. ఈ ఆహారాల్లో అధిక ప్యూరిన్లు ఉంటాయి. ఇవి రక్తంలో చక్కెరను వేగంగా పెంచుతాయి.

సాధారణంగా.. మన మూత్రపిండాలు ఈ ప్యూరిన్‌లను ఫిల్టర్ చేసి శరీరం నుంచి మూత్రం ద్వారా విసర్జిస్తాయి. అయితే, మూత్రపిండాలు పనిచేయడం ఆగిపోయినప్పుడు, ఈ యూరిక్ ఆమ్లం కీళ్లలో పేరుకుపోవడం ప్రారంభమవుతుంది. గౌట్ ప్రమాదాన్ని పెంచుతుంది. యూరిక్ యాసిడ్ పెరిగితే కీళ్ల నొప్పులు తట్టుకోవడం చాలా కష్టంగా ఉంటుంది.

సలీం జైదీ చెప్పిన చిట్కా ఏంటి?

ఆయుర్వేద అండ్ యునాని వైద్యంలో నిపుణుడు అయిన డాక్టర్ సలీం జైదీ యూరిక్ యాసిడ్‌ను నియంత్రించాలనుకుంటే, దానిని సహజంగానే చేయాలని సూచిస్తున్నారు. వంటగది సుగంధ ద్రవ్యాలు యూరిక్ యాసిడ్ స్థాయిల్ని నియంత్రించడంలో చాలా ప్రభావవంతంగా ఉంటాయి.

పసుపు, ధనియాలు, జీలకర్ర, మెంతులు, నల్ల మిరియాలతో తయారు చేసిన నీటిని ప్రతిరోజూ తీసుకోవడం వల్ల యూరిక్ యాసిడ్ స్థాయిల్ని నియంత్రించుకోవచ్చని ఆయన చెప్పారు. ఆ డ్రింక్ ఎలా తయారు చేయాలో ఇప్పుడు చుద్దాం.

కావాల్సిన పదార్థాలు

అర టీస్పూన్ పసుపు

ఒక టీస్పూన్ ధనియాలు

అర టీస్పూన్ జీలకర్ర

ఒక టీస్పూన్ నల్ల మిరియాలు

రాత్రిపూట నానబెట్టిన అర టీస్పూన్ మెంతులు

రెండు కప్పుల నీరు

తయారీ విధానం

ఇందుకోసం ముందుగా ఒక పాన్‌లో రెండు కప్పుల నీరు పోసి.. అర టీస్పూన్ పసుపు, ఒక టీస్పూన్ ధనియాలు, అర టీస్పూన్ జీలకర్ర, ఒక టీస్పూన్ మిరియాలు, రాత్రంతా నానబెట్టిన మెంతుల్ని వేయండి. ఆ తర్వాత నీటిని వేడి చేయండి. ఈ నీటిని మీడియం వేడి మీద 10 నిమిషాలు మరిగించాలి.

10 నిమిషాలు మరిగించిన తర్వాత, స్టౌ ఆఫ్ చేయండి. ఆ తర్వాత నీటి మిశ్రమాన్ని ఫిల్టర్ చేసకోండి. మీరు కావాలనుకుంటే రుచిని పెంచడానికి తేనె, నిమ్మరసం యాడ్ చేసుకోవచ్చు. ఉదయం ఖాళీ కడుపుతో ఈ డ్రింక్ తాగడం వల్ల యూరిక్ యాసిడ్ స్థాయిలు నియంత్రణలో ఉంటాయి. ఈ డ్రింక్‌ను 4-6 వారాల పాటు తాగితే మంచి ఫలితాలుంటాయని డాక్టర్ అంటున్నారు.

ప్రయోజనాలు

ఈ డ్రింక్‌లో ఉన్న పసుపు కీళ్ల నొప్పులు, వాపుల్ని నియంత్రించడంలో సాయపడే శక్తివంతమైన శోథ నిరోధక ఏజెంట్.

ధనియాలు.. యూరిక్ యాసిడ్ స్థాయిలను నియంత్రించడంలో సాయపడుతుంది. దీనిని తీసుకోవడం వల్ల మూత్రపిండాల పనితీరును మెరుగుపడుతుంది. మూత్రపిండాలు యూరిక్ యాసిడ్‌ను సులభంగా బయటకు పంపడానికి సాయపడుతుంది

జీలకర్ర.. జీర్ణక్రియను మెరుగుపరుస్తుంది. ఇది యూరిక్ యాసిడ్‌ను కంట్రోల్ చేయడానికి జీలకర్ర అవసరం.

మెంతుల్లో సహజ నిర్వీషీకరణ గుణాలు ఉన్నాయి. ఇవి యూరిక్ యాసిడ్ స్థాయిల్ని నియంత్రించడంలో సాయపడుతుంది. అంతేకాకుండా కాలేయం, మూత్రపిండాల ఆరోగ్యాన్ని కాపాడుతుంది.

యాంటీఆక్సిడెంట్ గుణాలు అధికంగా ఉండే మసాలా దినుసు నల్ల మిరియాలు. వాపు, నొప్పిని నియంత్రించడంలో సాయపడుతుంది. ఇది పసుపులోని కర్కుమిన్‌ను గ్రహించడంలో సహాయపడుతుంది. ఇందులో శక్తివంతమైన యాంటీ ఇన్ఫ్లమేటరీ, యాంటీఆక్సిడెంట్ లక్షణాలు పుష్కలంగా ఉన్నాయి. మిరియాలు మొత్తం ఆరోగ్యాన్ని మెరుగుపర్చడంలో సాయపడతాయి.