రాజస్థాన్ బౌలింగ్ అదరహో.. చెన్నై బ్యాట్స్‌మెన్ కుప్పకూలిన రాత్రి!

ఐపీఎల్ మూడవ మ్యాచ్‌లో రాజస్థాన్ రాయల్స్ చెన్నై సూపర్ కింగ్స్‌ను కేవలం 127 పరుగులకే ఆలౌట్ చేసింది. గౌహతిలోని బర్సపారా స్టేడియంలో జరిగిన ఈ మ్యాచ్‌లో ఆర్ఆర్ కెప్టెన్ రియాన్ పరాగ్ బౌలింగ్‌ను సమర్ధవంతంగా ఉపయోగించి చెన్నై టాప్ ఆర్డర్‌ను పూర్తిగా కుదేలించారు.చెన్నై తరఫున జేమీ ఓవర్టన్ 43 పరుగులతో టాప్ స్కోరర్‌గా నిలిచాడు. అరంగేట్రం చేసిన కార్తీక్ శర్మ 18 పరుగులు చేసి జట్టుకు కొంత ఊర్రి ఇచ్చినప్పటికీ, కీలక ఆటగాడు సర్ఫరాజ్ ఖాన్ 17 పరుగులకే ఆగిపోయాడు. మిగతా బ్యాట్స్‌మెన్‌లు 10 పరుగుల మార్కును దాటలేకపోయారు.రాజస్థాన్ తరఫున రవీంద్ర జడేజా 17 ఏళ్ల తర్వాత ఐపీఎల్‌లో ఆడుతూ రెండు వికెట్లు తీసాడు. జోఫ్రా ఆర్చర్, నండ్రే బర్గర్ కూడా రెండు వికెట్లు సాధించారు. సందీప్ శర్మ, రవి బిష్ణోయ్, అరంగేట్రం చేసిన బ్రిజేష్ శర్మ ఒక్కొక్క వికెట్‌ను జట్టుకు అందించగా, ఒక బ్యాట్స్‌మన్ రనౌటైయ్యాడు.చెన్నై బ్యాటింగ్ కుప్పకూలింది. సంజు శాంసన్ మాత్రమే కాకుండా, రాజస్థాన్ బౌలింగ్ ధాటికి చెన్నై టాప్ ఆర్డర్ మొత్తం కుదేలింది. కెప్టెన్ రుతురాజ్ గైక్వాడ్ జోఫ్రా ఆర్చర్ వేసిన ప్రమాదకర బంతికి కేవలం 6 పరుగులకే అవుట్ అయ్యాడు. యువ ఆటగాడు ఆయుష్ మాత్రే సున్నా పరుగులకే పెవిలియన్ చేరడంతో చెన్నై తీవ్ర కష్టాల్లో పడింది. పవర్ ప్లే ముగిసే సమయానికి 41 పరుగులకే 4 కీలక వికెట్లు కోల్పోయిన చెన్నై, ఆ తర్వాత కూడా మిగతా వికెట్లు ఆగకుండానే పడతూనే, 12.5 ఓవర్లలో 8 వికెట్లు కోల్పోయింది. మొత్తంగా 19.4 ఓవర్లలో 127 పరుగులకే చెన్నై ఆలౌట్ అయింది. ఒవర్టిన్ 36 బంతుల్లో 2 ఫోర్లు, 2 సిక్స్‌లతో 43 పరుగులు చేసి చివరి వికెట్‌గా పెవిలియన్ చేరాడు.రాజస్థాన్ మాజీ కెప్టెన్ సంజు శాంసన్ తన పాత జట్టుపై విఫలం కావడం విశేషం. కోచ్ రాహుల్ ద్రావిడ్ వైదొలిగిన తర్వాత సంజు చెన్నై జట్టులో చేరడం సంచలనం సృష్టించినప్పటికీ, ఇప్పుడు చెన్నైకు అతను భారంగా మారుతున్నాడని అభిమానులు విమర్శిస్తున్నారు. జట్టుకు అవసరమైన సమయంలో వికెట్ కోల్పోవడం పై విశ్లేషకులు ఆందోళన వ్యక్తం చేస్తున్నారు.
-చెన్నై సూపర్ కింగ్స్ (ప్లేయింగ్ XI): సంజు శాంసన్, రుతురాజ్ గైక్వాడ్(కెప్టెన్), ఆయుష్ మాత్రే, మాథ్యూ షార్ట్, శివమ్ దూబే, కార్తీక్ శర్మ(కీపర్), జేమీ ఓవర్టన్, నూర్ అహ్మద్, మాట్ హెన్రీ, అన్షుల్ కాంబోజ్, ఖలీల్ అహ్మద్
-రాజస్థాన్ రాయల్స్ (ప్లేయింగ్ XI): యశస్వి జైస్వాల్, వైభవ్ సూర్యవంశీ, రియాన్ పరాగ్(కెప్టెన్), ధృవ్ జురెల్(కీపర్), షిమ్రాన్ హెట్మెయర్, రవీంద్ర జడేజా, జోఫ్రా ఆర్చర్, నండ్రే బర్గర్, సందీప్ శర్మ, రవి బిష్ణోయ్, బ్రిజేష్ శర్మ