Flipkart SuperCoins హవా… Uber ప్రయాణాలు ఇప్పుడు మరింత చౌక!
national | Suryaa Desk | Published : Wed, Apr 15, 2026, 09:18 PM
ప్రముఖ ఈ-కామర్స్ సంస్థ Flipkart మరియు క్యాబ్ సేవల దిగ్గజం Uber మధ్య కీలక భాగస్వామ్యం కుదిరింది. ఈ ఒప్పందం ప్రకారం Uber రైడ్స్పై ఖర్చు చేసే మొత్తానికి అనుగుణంగా Flipkart SuperCoins రివార్డ్స్ అందించనున్నారు.ఈ సదుపాయం కోసం వినియోగదారులు తమ Flipkart మరియు Uber అకౌంట్లను లింక్ చేయాల్సి ఉంటుంది. ప్రతి Uber రైడ్పై ఖర్చు చేసిన మొత్తం మీద 4 శాతం వరకు సూపర్కాయిన్స్గా పొందవచ్చు. ఒక్కో రైడ్కు గరిష్టంగా 150 సూపర్కాయిన్స్ వరకు లభిస్తాయి. రైడ్ల ద్వారా సంపాదించిన ఈ కాయిన్స్ నేరుగా వినియోగదారుడి Flipkart ఖాతాలో జమ అవుతాయి.ఈ సూపర్కాయిన్స్ను Flipkart, Cleartrip, Flipkart Minutes వంటి Flipkart ఎకోసిస్టమ్ సేవల్లో రిడీమ్ చేసుకోవచ్చు. కొత్త Uber వినియోగదారులు లేదా గత 84 రోజులుగా యాప్ను ఉపయోగించని వారు అకౌంట్ లింక్ చేసిన 28 రోజుల్లోపు మొదటి రైడ్ పూర్తి చేస్తే 150 బోనస్ సూపర్కాయిన్స్ పొందే అవకాశం ఉంది.అదనంగా, ఏప్రిల్ 15 నుంచి 30 మధ్య అకౌంట్లు లింక్ చేసి రైడ్ చేసే వినియోగదారులకు ప్రత్యేక అదనపు రివార్డులు కూడా అందనున్నాయి. రోజువారీ ప్రయాణాల్లో వినియోగదారులకు మరింత ప్రయోజనం కల్పించడమే ఈ భాగస్వామ్యం ప్రధాన ఉద్దేశమని రెండు సంస్థలు వెల్లడించాయి.
|
|