శ్రీవారి సేవకులు టిటిడి ప్రతిష్టను మరింత పెంచాలి
Andhra Pradesh Telugu | Suryaa Desk | Published : Tue, Oct 01, 2019, 12:26 AM
శ్రీవారి సేవకులు భక్తిభావంతో సేవలందించడం ద్వారా టిటిడి ప్రతిష్టను మరింత పెంచాలని ఈవో అనిల్కుమార్ సింఘాల్ కోరారు. బ్రహ్మోత్సవాల్లో సేవావిధులు నిర్వహించేందుకు విచ్చేసిన శ్రీవారి సేవకులకు సోమవారం తిరుమలలోని ఆస్థానమండపంలో అవగాహన కార్యక్రమం నిర్వహించారు.
ఈ కార్యక్రమానికి ముఖ్య అతిథిగా విచ్చేసిన టిటిడి ఈవో మాట్లాడుతూ శ్రీవారి సేవకులు క్రమశిక్షణతో చక్కగా సేవలందిస్తున్నారని కొనియాడారు. భక్తులకు నిస్వార్థంగా సేవలందిస్తున్న శ్రీవారి సేవకులపై స్వామివారి కృప తప్పకుండా ఉంటుందన్నారు. బ్రహ్మోత్సవాల్లో ఆయా విభాగాల్లో క్రమశిక్షణతో సేవలందించి, టిటిడి అధికారులకు, పోలీసులకు సహకరించాలని కోరారు. శ్రీవారి సేవకుల ఫీడ్ బ్యాక్ ద్వారా భక్తులకు మరింత మెరుగైన సౌకర్యాలు కల్పించగలుగుతున్నామని వివరించారు. అంతకుముందు శ్రీ సత్యసాయి సేవా సంస్థ ఆధ్వర్యంలో భజన కార్యక్రమం నిర్వహించారు.
|
|