అలుపెరుగని అక్షర సేనాని చక్రవర్తుల రాఘవచారి మృతి
Andhra Pradesh Telugu | Suryaa Desk | Published : Mon, Oct 28, 2019, 06:25 PM
అనేక దశాబ్దాల పాటు ప్రజాసమస్యల పరిస్కారం లక్షంగా ప్రభుత్వ ప్రజావ్యతిరేక విదానాలపై అలుపెరుగని పోరాటం చేసిన ఆ కలం ఆగిపోయింది ప్రలోబపర్వం పతాకస్థాయిలో సాగుతున్నసమయంలో దేనికి లొంగని కలం అది. పేరులోనేకాదు ఆయన పాత్రికేయ జీవితం మొత్తం చక్రవర్తి లానే గడి పిన చక్రవర్తుల రాఘవచారి కొంతకాలంగా అనారోగ్యంతో బాధపడుతూ హైద్రాబాద్ లో చికిత్స పొందుతు ఈ రోజు తుది శ్వాస విడిచారు.
వరంగల్ జిల్లాలో జన్మించిన ఆయన ఏఐఎస్ఎఫ్ విద్యార్థి సంఘ నాయకునిగా పనిచేశారు. బహు భాషా కోవిధుడైనా రాఘవచారి విశాలాంధ్రలో 1972లో సంపాదకుడిగా బాధ్యతలు స్వీకరించి మూడు దశాబ్దాలు నిర్విఘ్నంగా కొనసాగిన ఆయన సంపాదకుడిగా ఆయన బాధ్యతల నుంచి తప్పుకొని 15 ఏళ్లు గడిచినా.. ఇప్పటికీ ఆయన విశాలాంధ్ర రాఘవాచారిగానే జనం మదిలో నిలిచిపోయారు. ఏ దినపత్రిక సంపాదకులకూ దక్కని అరుదైన గౌరవమది. ఎన్నెన్నోవినూత్నమైన సంపాదకీయాలు తనదైన శైలిలో రాసి ఆ పత్రికకు గొప్ప సొబగులు తెచ్చారు. ఆయన కలంతోపాటు గళం గొప్పదే మంచి వక్త. ఆయనతో సీనియర్ పాత్రికేయులకు మంచి అనుబంధం ఉంది. నిబద్దత కలిగి, విలువలకు జీవితాంతం కట్టుబడిన కమ్యూనిస్ట్ గా విజ్ఞాన ఖనిగా పేరుగాంచారు.
రాఘవాచారి పార్థివ దేహాన్నిమఖ్దూమ్ భవన్కు, ఆ తర్వాత విశాలాంధ్ర కార్యాలయానికి తరలించారు. చక్రవర్తుల రాఘవాచారి మృతి పట్ల ఏపీ ముఖ్యమంత్రి జగన్, తెలంగాణ సీఎం కేసీఆర్ దిగ్భ్రాంతి వ్యక్తం చేశారు.తెదేపా అధినేత చంద్రబాబు సంతాపం తెలిపారు.
|
|