ట్రెండింగ్
యూనివర్సిటీల వీసీలతో గవర్నర్ హరిచందన్ సమావేశం
Andhra Pradesh Telugu | Suryaa Desk | Published : Fri, Dec 20, 2019, 03:37 PM
యూనివర్సిటీల వీసీలతో గవర్నర్ హరిచందన్ సమావేశయ్యారు. ఉన్నత విద్య అభివృద్ధి, నాణ్యత ఇతర అంశాలపై సుదీర్ఘంగా చర్చించినట్లు తెలుస్తోంది. ఉన్నత విద్య అనేక సవాళ్లను ఎదుర్కొంటోందని, నిపుణులైన బోధకుల కొరత సమస్యగా ఉందని గవర్నర్ చెప్పారు. తాత్కాలిక అధ్యాపకులపైనే ఉన్నత విద్యా సంస్థలు ఆధారపడుతున్నాయని చెప్పారు. న్యాక్ గ్రేడు సాధించిన సంస్థలు తక్కువగా ఉన్నాయని చెప్పారు. ఉన్నత విద్యా మండలి పరిశోధక బోర్డు ఏర్పాటు చేయాలన్నారు. పరిశోధనలపై పూర్తిస్థాయిలో దృష్టి సారించేలా చూడాలన్నారు. పరిశ్రమ అవసరాలకు తగినట్లు విద్యను తీర్చిదిద్దాలని, ఆ దిశగా కోర్సులు, పాఠ్యాంశాల్లో మార్పులు చేపట్టాలని గవర్నర్ సూచించారు. రాష్ట్రంలో కనీసం ఐదుకుపైగా విద్యా సంస్థలను... ప్రపంచ ప్రమాణాల స్థాయిలో నిలబెట్టాలని గవర్నర్ హరిచందన్ అన్నారు.
|
|