ట్రెండింగ్
'జనగణమన' పాడిన పోలీసు...వెనుదిరిగిన నిరసనకారులు
national | Suryaa Desk | Published : Fri, Dec 20, 2019, 08:41 PM
పౌరసత్వ సవరణ చట్టాన్ని వ్యతిరేకిస్తూ పెద్ద ఎత్తున నిరసనలు వ్యక్తమవుతోన్న విషయం తెలిసిందే. ఈ నేపథ్యంలో పోలీసులు లాఠీఛార్జ్ లు, అరెస్టులు చేస్తున్నప్పటికీ ఆందోళనకారులు వెనక్కి తగ్గడం లేదు. అయితే, ఓ పోలీసు మాత్రం నిరసనకారుల్లో అప్పటికప్పుడు దేశభక్తిని నింపి వెనక్కి తిరిగేలా చేసి హీరో అయిపోయాడు. కర్ణాటకలో ఈ ఘటన చోటు చేసుకుంది. సీఏఏకి వ్యతిరేకంగా బెంగళూరులో ఆందోళనకారులు నిరసన వ్యక్తం చేస్తోన్న సమయంలో వారిని అక్కడి నుంచి వెళ్లిపోమని పోలీసులు కోరారు. అయితే వారు అందుకు ఒప్పుకోలేదు. దీంతో బెంగళూరు సెంట్రల్ డీసీపీ చేతన్ సింగ్ రాథోడ్ జాతీయ గీతాన్ని పాడుతూ ఆందోళనకారులతో పాడించారు. అనంతరం ఆందోళనకారులు మనసు మార్చుకొని అక్కడి నుంచి వెళ్లిపోయారు.
|
|