ట్రెండింగ్
హింసతో ఏమీ సాధించలేరుః దేశ పౌరులకు రజనీ సందేశం
national | Suryaa Desk | Published : Fri, Dec 20, 2019, 08:23 PM
పౌరసత్వ సవరణ చట్టానికి వ్యతిరేకంగా దేశవ్యాప్తంగా జరుగుతున్న నిరసనలపై ప్రముఖ సినీ నటుడు, తమిళ సూపర్స్టార్ రజనీకాంత్ ఆందోళన వ్యక్తం చేశారు. ఏ సమస్యకైనా హింస పరిష్కారం కాకూడదని హితవు పలికారు. దేశవ్యాప్తంగా జరుగుతున్న హింసాత్మక ఆందోళనలు తనను ఎంతో వేదనకు గురిచేస్తున్నాయని ఆవేదన వ్యక్తం చేశారు. ఏ సమస్యకైనా పరిష్కారం కనుగొనేందుకు హింస, అల్లర్లు మార్గం కాకూడదని సూచించారు. భారతీయులంతా ఐకమత్యంగా ఉండాలని పిలుపునిచ్చారు. దేశ భద్రత, సంక్షేమాన్ని దృష్టిలో పెట్టుకుని అప్రమత్తంగా వ్యవహరించాలని కోరుతున్నానని ట్విటర్లో పేర్కొన్నారు.
|
|