10 నిమిషాల్లో అద్భుతం, టెక్నాలజీకి ఫిదా

ప్రస్తుతం దేశవ్యాప్తంగా క్విక్ కామర్స్ యాప్‌లు బాగా ప్రాచుర్యం పొందుతున్నాయి. ఇంట్లోనే ఉండి కావాల్సిన వస్తువులను బుక్ చేస్తే.. నిమిషాల వ్యవధిలోనే డోర్ వద్దకు వచ్చేస్తున్నాయి. బ్లింకిట్ , బిగ్ బాస్కెట్, స్విగ్గీ ఇన్‌స్టామార్ట్, జెప్టో వంటి యాప్‌లు.. క్షణాల్లో కావాల్సిన వాటిని డోర్ డెలివరీ చేస్తూ.. ప్రజలకు ఎంతో ఉపయోగకరంగా మారుతున్నాయి. ఈ క్రమంలోనే తాజాగా ఆగిపోయే స్థితిలో ఉన్న పెళ్లి బ్లింకిట్ కారణంగా సమయానికి పూర్తి కావడం అందర్నీ ఆశ్చర్యానికి గురి చేసింది. ఈ ఘటన సోషల్ మీడియాలో వైరల్ కావడంతో.. నెటిజన్ల నుంచి ప్రశంసల వర్షం కురుస్తోంది.

ఢిల్లీలో ఒక జంట తమ వివాహ వేడుకలో సింధూరం మర్చిపోవడంతో పెళ్లి ఆగిపోయింది. అలాంటి క్లిష్ట సమయంలో వారు బ్లింకిట్ యాప్ ద్వారా సింధూరం ఆర్డర్ చేయగా.. కేవలం 16 నిమిషాల్లోనే డెలివరీ అందింది. ప్రాచీన సంప్రదాయాలను.. ప్రస్తుత ఆధునిక టెక్నాలజీ ఎలా ఆదుకుంటుందో చాటిచెప్పే ఈ వీడియో సోషల్ మీడియాలో ఇప్పుడు తెగ వైరల్ అవుతోంది.

ఢిల్లీకి చెందిన పూజ, రిషిల వివాహ వేడుక ఘనంగా జరుగుతోంది. పెళ్లిలో ప్రధాన ఘట్టమైన ఏడు అడుగులు పూర్తి అయ్యాయి. ఆ తర్వాత వరుడు వధువు నుదుట సింధూరం దిద్దాల్సిన సమయం వచ్చింది. సరిగ్గా అదే సమయంలో తమ వద్ద సింధూరం లేదనే విషయాన్ని ఇరు కుటుంబాలు గుర్తించాయి. అన్ని తెచ్చాం కానీ.. అత్యంత ముఖ్యమైన సింధూరం తేవడం మర్చిపోయాం అని వరుడు రిషి కెమెరా ముందు నవ్వుతూ చెప్పడం వైరల్ వీడియోలో కనిపిస్తుంది.

'గంభీర్ ముందు నువ్వు రంజీ టీమ్‌కి కోచ్‌గా చెయ్.. ఆ తర్వాతే టెస్టుకు ఫిట్ అవుతావు '.. ఇంగ్లండ్ మాజీ ఆసక్తికర వ్యాఖ్యలు

సాధారణంగా ఇలాంటి సమయంలో ఎవరో ఒకరు షాపుకు పరిగెత్తాలి లేదా పక్కింటి వారిని అడగాలి. కానీ ఈ ఆధునిక జంట ఏమాత్రం కంగారు పడకుండా వెంటనే బ్లింకిట్ యాప్‌లో సింధూరాన్ని ఆర్డర్ చేశారు. కేవలం 16 నిమిషాల్లోనే బ్లింకిట్ డెలివరీ బాయ్ కళ్యాణ మండపానికి చేరుకుని సింధూరాన్ని అందజేశాడు. దాంతో ఆగిపోయిన పెళ్లి క్రతువు మళ్లీ మొదలైంది. బంధుమిత్రుల కేరింతల మధ్య వరుడు వధువుకు సింధూరం దిద్దడంతో పెళ్లి వేడుక సుఖాంతమైంది.

"ఈ ఆధునిక ప్రేమకథల్లో రొమాన్స్‌తో పాటు సేమ్ డే డెలివరీ కూడా భాగమే" అంటూ ఈ వీడియోను ఓ వ్యక్తి ఇన్‌స్టాగ్రామ్‌లో పోస్ట్ చేయడంతో ఆ వీడియో తెగ వైరల్ అవుతోంది. ఈ ఘటనపై నెటిజన్లు రకరకాలుగా స్పందిస్తున్నారు. అత్యవసర సమయంలో ఆదుకున్న డెలివరీ బాయ్స్‌ను నెటిజన్లు సూపర్ హీరోలు అని ప్రశంసలు గుప్పిస్తున్నారు. ఒకవేళ మీరు విదేశాల్లో డెస్టినేషన్ వెడ్డింగ్ చేసుకుని ఉంటే.. అక్కడ బ్లింకిట్ లేకపోతే పరిస్థితి ఏంటి అని ఒకరు సరదాగా కామెంట్ పెట్టారు. సినిమాల్లో లాగా రక్తంతో బొట్టు పెట్టే హీరో మూమెంట్‌ను వరుడు మిస్ అయ్యాడు అని మరొకరు జోక్ చేశారు.