వచ్చేనెల కర్నాటక మంత్రివర్గ విస్తరణ
national | Suryaa Desk | Published : Sun, Dec 22, 2019, 11:04 PM
చాలాకాలంగా ఆలస్యమౌతున్న కర్ణాటక మంత్రివర్గ విస్తరణ వచ్చే నెల జరిగే అవకాశం కనిపిస్తోంది. ఈమేరకు ముఖ్యమంత్రి యెడియూరప్ప ఆదివారం సంకేతాలు అందించారు. జనవరి మకర సంక్రాంతి నాటికి విస్తరణ ఉండవచ్చని ఆయన అన్నారు. విధాన సౌధలో ఆదివారం 15 మంది కొత్త ఎమ్ఎల్ఎల్లో 13 మంది ప్రమాణస్వీకారం జరిగింది. ఈ సందర్భంగా సిఎం పాత్రికేయులతో మాట్లాడుతూ… వారం రోజుల తరువాత అధిష్టానం రమ్మని పిలిచిందని, ఈ నెలాఖరుకు మంత్రి వర్గ విస్తరణ జాబితా ఖరారు కాగలదని చెప్పారు. కొత్తగా ఎన్నికైన వారికి మంత్రి పదవులు ఇస్తామని తాము హామీ ఇచ్చామని, అది నెరవేరుస్తామని, ఇందులో అభిప్రాయ బేధం అంటూ లేదని స్పష్టం చేశారు. ఆదివారం నాడు ఇద్దరు కాంగ్రెస్ ఎంఎల్ఎలు, ప్రమాణస్వీకారానికి హాజరు కాలేదు.
|
|