పౌరసత్వ సవరణ చట్టంపై ఎన్నారైల నిరసన

కేంద్ర ప్రభుత్వం తెచ్చిన పౌరసత్వ సవరణ చట్టం(సీఏఏ) దేశవ్యాప్తంగా నిరసనలకు దారి తీసింది. ప్రధాన నగరాల్లో విద్యార్థులు, సాధారణ ప్రజలు వీధుల్లోకి వచ్చి ఆందోళన చేస్తూ ప్రభుత్వ నియంతృత్వధోరణిని నిరసితున్నారు. అయితే, సీఏఏ చట్టాన్ని వ్యతిరేకిస్తూ మన దేశంలోనే కాకుండా ప్రపంచవ్యాప్తంగా నిరసనలు మొదలయ్యాయి. వివిధ దేశాల్లో ఉన్న భారతీయులు వారు నివసిస్తున్న ప్రాంతాల్లో శాంతియుతంగా ప్లకార్డులతో నిరసన తెలుపుతున్నారు.
చాలామంది యువతి, యువకులు భారత రాజ్యాంగం చెప్పే మౌలిక సూత్రం ఇండియా లౌకిక దేశం, ఐకమత్యం. దీన్ని దెబ్బ తీసేందుకు మోదీ-షా ఇలాంటి నిర్ణయాలు తీసుకుంటున్నారని కొందరు విమర్శించారు. అమెరికాలోని న్యూయార్క్ యూనివర్శిటీ వద్ద కొందరు నిరసనకారులు ‘హల్లా!బోల్ అనే ప్లకార్డులతో ప్రధాన రహదారిలో నుంచుని నినాదం చేశారు. కొందరు స్థానికులు వారికి సంఘీభావం తెలిపారు. లండన్‌లోని పార్లమెంట్ స్క్వేర్ వద్ద ఉన్న మహాత్మాగాంధీ విగ్రహం ముందు నిరసనకారులు, విద్యార్థులు సీఏఏకు వ్యతిరేకంగా నినాదాలు చేశారు. కొందరు ‘భారత రాజ్యాంగాన్ని రక్షిద్దాం’ అనే ప్లకార్డులను ప్రదర్శించారు. కొందరు స్థానిక ఉన్న సౌత్ ఏసియా ఆర్గనైజేషన్ వారు జాతీయజెండాను పట్టుకుని, ఆజాది అనే నినాదాన్ని చేశారు.
ఇక బోస్టన్, చికాగోలో కొందరు భారత విద్యార్థులు శాంతియుతంగా నిరసన తెలిపారు. ఇండియాను ఛిద్రం చేస్తున్నారని నినాదం చేశారు. చికాగోలోని ట్రిబ్యూన్ టవర్ వద్ద సుమారు 200 మంది సీఏఏను వ్యతిరేక్సితూ నినదించారు. నెదర్లాండ్‌లో చలిని సైతం లెక్కజేయకుండా అక్కడి భారతీయులు సీఏఏకు వ్యతిరేకంగా నిరసన తెలిపారు. బార్సీలోనాలో సైతం సీఏఏ వద్దని వీధుల్లోకి వచ్చి నిరసన తెలిపారు కొందరు. అలాగే, మసాచుసెట్స్, న్యూయార్క్, బెర్లిన్ వంటి ప్రాంతాల్లో కూడా సీఏఏను వ్యతిరేకిస్తూ ఆందోళన చేపట్టారు. జెనీవాలో నిరసనకారులు భిన్నంగా నిరసన తెలిపారు. రాజ్యాంగంలోని మౌలిక సూత్రాలను వారు పాల్గొన్న నిరసన్ ప్రాంతంలో చదివి వినిపించారు.