ట్రెండింగ్
ఢిల్లీలో మరోసారి అగ్ని ప్రమాదం
national | Suryaa Desk | Published : Tue, Dec 24, 2019, 11:01 AM
ఢిల్లీలో మంగళవారం ఉదయం అగ్ని ప్రమాదం జరిగింది. నరేలా పారిశ్రామిక వాడలోని చెప్పుల తయారీ పరిశ్రమలో సిలిండర్ పేలింది. దీంతో ఒక్కసారిగా మంటలు అంటుకున్నాయి. ఈ ప్రమాదంలో ముగ్గురికి తీవ్ర గాయాలయ్యాయి. సమాచారం అందుకున్న పోలీసులు, ఫైర్ సిబ్బంది వెంటనే సహాయక చర్యలు చేపట్టారు. స్థానికులు, పోలీసులు క్షతగాత్రులను ఆస్పత్రికి తరలించారు. ఫైర్ సిబ్బంది మంటలను అదుపులోకి తెచ్చారు. వారం రోజల వ్యవధిలోనే ఢిల్లీలో మూడు అగ్ని ప్రమాదాలు జరిగాయి. దీంతో ప్రజలు ఆందోళనకు గురవుతున్నారు. కంపెనీలు రక్షణ చర్యలు పాటించకపోవడంతోనే ఈ ప్రమాదాలు జరుగుతున్నాయని స్థానికులు ఆరోపిస్తున్నారు. జనజీవనం నుంచి కంపెనీలను దూరంగా తరలించాలని వారు డిమాండ్ చేశారు.
|
|