రాశి ఫలితాలు (29-08-2020)

రాశి- మేషం

మిత్రులు, బంధువులతో విభేదాలు పరిష్కరించుకుంటారు. మీకు ఇష్టమైన వారితో కలిసి వినోద యాత్ర చేస్తారు. వృత్తిలో అనుకూలమైన మార్పులు ఏర్పడతాయి. వివాదాల్లో, కోర్టు కేసుల్లో విజయం సాధిస్తారు. వాహనాల కొనుగోలు యత్నాలు నిదానిస్తాయి.

రాశి- వృషభం

వ్యాపారాల్లో ఆశించినంతగా లాభాలు అందుకుంటారు. మీ కోరిక నెరవేరడం, లక్ష్యానికి చేరువ్వడం జరుగుతుంది. వాయిదా పడుతున్న పనులు పూర్తవుతాయి. ఉద్యోగ విషయంలో విదేశీ యానానికి సంబంధించి శుభవార్త వింటారు. మీ ప్రతిభకు గుర్తింపు లభిస్తుంది.

రాశి- మిధునం

పారిశ్రామికవర్గాలకు శ్రమ ఫలిస్తుంది. అనవసర వివాదాలకు తావివ్వకండి. ఆరోగ్యం సామాన్యంగా ఉంటుంది. తీసుకునే ఆహారం విషయంలో జాగ్రత్త అవసరం. ఉదర సంబంధ లేదా మూత్ర సంబంధ అనారోగ్యం కారణంగా బాధపడతారు.

రాశి- కర్కాటకం

ముఖ్యమైన పనులు సకాలంలో పూర్తి చేస్తారు. అనుకోని వివాదాలు జరిగే అవకాశముంటుంది కాబట్టి కోపానికి, ఆవేశానికి తావివ్వకండి. వాద వివాదాలకు దూరంగా ఉండండి. ఆత్మీయులతో ఆనందంగా గడుపుతారు.

రాశి- సింహం

ఆలోచనలు కార్యరూపం దాలుస్తాయి. మీ పిల్లలు మీ ఆనందాన్ని రెట్టింపు చేస్తారు. ప్రయాణం కానీ, దేవాలయ సందర్శన కానీ చేస్తారు. మీ ప్రతిభకు గుర్తింపు లభిస్తుంది. వ్యాపారంలో అనుకూల ఫలితాలుంటాయి. రావలసిన డబ్బు అందుతుంది.

రాశి- కన్య

వ్యాపారాలలో అనుకోని లాభాలు ఉత్సాహాన్నిస్తాయి. వివాహ, ఉద్యోగయత్నాలు ముమ్మరం చేస్తారు. అలాగే ఉద్యోగంలో మీ పనికి మంచి గుర్తింపు వస్తుంది. ప్రయాణాలకు సాధారణ దినం. ఇంటి నిర్మాణాలు కాస్త నిదానిస్తాయి.

రాశి- తుల

అనుకోకుండా కొన్ని కాంట్రాక్టులు చేజారతాయి. అవసరానికి తగిన డబ్బు లభించక పోవటం కానీ, పెట్టుబడుల కారణంగా నష్టపోవడం కానీ జరగవచ్చు. ఆర్థిక వ్యవహారాల్లో జాగ్రత్త అవసరం. ఆత్మవిశ్వాసంతో ముందుకు సాగి విజయాలు సాధిస్తారు.

రాశి- వృశ్చికం

వ్యాపారాల్లో పెట్టుబడులు సమకూర్చుకుంటారు. కుటుంబ సభ్యుల లేదా బంధువుల ఆరోగ్యం కూడా మీ ఆందోళనకు కారణమవుతుంది. నీరు, ఆహారం విషయంలో జాగ్రత్త అవసరం. విద్యార్థుల యత్నాలు కొంత సానుకూలమవుతాయి. మీ కష్టం కొంత ఫలిస్తుంది.

రాశి- ధనస్సు

అనుకున్న కార్యక్రమాలు కొంత జాప్యమైనా పూర్తి చేస్తారు. రావాల్సిన బకాయిలు రావడమే కాకుండా మీరు తీర్చాల్సిన బాకీలు కూడా తీర్చగలుగుతారు. అనుకోని డబ్బు కానీ, చేపట్టిన పనిలో విజయం కానీ వరిస్తుంది. ఉద్యోగ విషయంలో శుభవార్త వింటారు.

రాశి- మకరం

ఆత్మీయుల నుంచి శుభవార్తలు. ఆర్థిక పరిస్థితి మెరుగ్గా ఉంటుంది. విజయం మీ సొంతమవుతుంది. పని ఒత్తిడి కారణంగా స్వల్ప అనారోగ్యానికి, మానసిక ఒత్తిడికి గురయ్యే అవకాశముంటుంది. తగిన విశ్రాంతి తీసుకోవడం మంచిది.

రాశి- కుంభం

విద్యార్థుల భవిష్యత్తుకు భరోసా కలుగుతుంది. మీరు చేసిన పనికి మంచి గుర్తింపు లభిస్తుంది. పై అధికారుల నుంచి ప్రశంసలు అందుకుంటారు. ప్రయాణం చేసే అవకాశముంటుంది. బంధువులను కలుసుకుంటారు.

రాశి- మీనం

ఇంట్లో వేడుకల నిర్వహణపై దృష్టి పెడతారు. మానసికంగా ఏదో తెలియని ఒత్తిడిని ఫీల్‌ అవుతారు. ఆర్థిక విషయాల్లో కూడా కొంత జాగ్రత్త అవసరం. డబ్బు ఎక్కువ దగ్గర పెట్టుకుని ప్రయాణం చేయకండి. చిన్ననాటి మిత్రులతో సఖ్యత. స్థిరాస్తి వివాదాలు కొలిక్కి వస్తాయి.