పెళ్లైన 4 నెలలకే విషాదం
national | Suryaa Desk | Published : Fri, Apr 16, 2021, 09:53 AM
మూడు నెలల గర్భిణిగా ఉన్న కూతురు తండ్రి చేతిలో హత్యకు గురైంది. ఈ విషాద ఘటన కర్ణాటకలో బుధవారం రాత్రి జరిగింది. అంచెట్టి సమీపంలోని కరడికల్ గ్రామానికి చెందిన అరుణాచలం కూతురు వెంకటలక్ష్మి (20)కి కోలారు జిల్లా మాలూరు ప్రాంతానికి చెందిన శ్రీనివాసన్ తో 4 నెలల క్రితం వివాహం జరిగింది. ప్రస్తుతం ఆమె 3 నెలల గర్భిణి. ఉగాది పండుగ జరుపుకునేందుకు పుట్టింటికి వచ్చింది. బుధవారం రాత్రి మద్యం మత్తులో ఉన్న అరుణాచలం తన భార్యతో గొడవ పడ్డాడు. తుపాకీతో తన భార్యను కాల్చబోయాడు. ఆ సమయంలో కూతురు వెంకటలక్ష్మి తండ్రిని అడ్డుకునేందుకు ప్రయత్నించింది. దీంతో ఆమెపై తుపాకీ గుండు పేలడంతో అక్కడికక్కడే మృతి చెందింది. తండ్రి అక్కడి నుంచి పరారయ్యాడు. పోలీసులు ఘటనా స్థలానికి చేరుకొని మృతదేహాన్ని డెంకణీకోట ప్రభుత్వ ఆస్పత్రికి తరలించారు. కేసు నమోదు చేసిన పోలీసులు పరారీలో ఉన్న అరుణాచలం కోసం గాలిస్తున్నారు.
|
|