దేశ రాజధాని ఢిల్లీలో 6 రోజుల లాక్ డౌన్ కొనసాగింపు
national | Suryaa Desk | Published : Tue, Apr 20, 2021, 03:23 PM
దేశ రాజధాని ఢిల్లీలో ప్రభుత్వం విధించిన ఆరు రోజుల లాక్ డౌన్ కొనసాగుతోంది. పెరుగుతున్న కరోనా కేసుల నేపథ్యంలో సీఎం కేసీఆర్ ఆరు రోజులపాటు లాక్ డౌన్ విధించిన విషయం తెలిసిందే. అత్యవసర సేవలు మినహా అందరికీ లాక్ డౌన్ వర్తిస్తుందని ప్రభుత్వం స్పష్టం చేసింది. కాగా ఢిల్లీలో గడిచిన 24 గంటల్లో 23వేల కొత్త కరోనా కేసులు నమోదయ్యాయి. దీంతో ప్రభుత్వం మరింత అప్రమత్తమైంది. కరోనా ఉధృతి.. వైద్య వ్యవస్థపై తీవ్ర ఒత్తిడి నెలకొన్న నేపథ్యంలో ఢిల్లీలో ఆరు రోజులు పూర్తి స్థాయి లాక్డౌన్ విధిస్తున్నట్లు సీఎం అరవింద్ కేజ్రీవాల్ నిన్న ప్రకటించారు. సోమవారం రాత్రి 10 గంటల నుంచి అమల్లోకి వచ్చిన లాక్డౌన్.. ఈ నెల 26వ తేదీ వరకు కొనసాగుతుందన్నారు. ఆస్పత్రుల్లో పడకలు, ఆక్సిజన్, రెమ్డెసివిర్ కొరత తీవ్రంగా ఉన్నదని, ఆరోగ్య వ్యవస్థ తట్టుకోలేని స్థితికి చేరుకుందని.. ఇది తీవ్ర విషాదానికి దారితీయకుండా, వైరస్ నియంత్రణ, ఆరోగ్య రంగం కుప్పకూలకుండా ఉండేందుకు లాక్డౌన్ విధిస్తున్నట్లు కేజ్రీ తెలిపారు. 'లాక్డౌన్ వల్ల వైరస్ ఒకరి నుంచి మరొకరికి వ్యాపించదన్న విషయం అర్థం చేసుకోవాలి'' అని ప్రజలకు సూచించారు. లాక్డౌన్ కాలంలో ప్రైవేటు కార్యాలయాలన్నీ ఉద్యోగులకు వర్క్ ఫ్రం హోం ఇవ్వాలని కేజ్రీ సూచించారు.
|
|