రూ.100తో ప్రతి నెలా రూ.19 వేలు అందించే స్కీమ్ ఇదే..
national | Suryaa Desk | Published : Sat, Apr 24, 2021, 03:46 PM
కేంద్ర ప్రభుత్వం ఎన్నో రకాల పథకాలు అందిస్తోంది. వీటిల్లో నేషనల్ పెన్షన్ సిస్టమ్ కూడా ఒకటుంది. బెస్ట్ రిటైర్మెంట్ స్కీమ్స్లో ఇది కూడా ఒకటి. ఈ పథకంలో చేరడం వల్ల ఒకేసారి భారీ మొత్తంతోపాటు ప్రతి నెలా పెన్షన్ కూడా పొందొచ్చు. అందుకే చాలా మంది ఈ పథకంలో చేరుతూ ఉంటారు. ఎన్పీఎస్ స్కీమ్లో చేరిన వారు మెచ్యూరిటీ సమయంలో (60 ఏళ్లు వచ్చినప్పుడు) 60 శాతం మొత్తాన్ని వెనక్కి తీసుకోవచ్చు. మిగతా 40 శాతం మొత్తంతో యాన్యుటీ ప్లాన్ కొనుగోలు చేయాలి. దీని ద్వారా ప్రతి నెలా చేతికి పెన్షన్ వస్తుంది.
ఎన్పీఎస్ క్యాలిక్యులేటర్ ప్రకారం.. 25 ఏళ్ల వయసులో ఉన్న ఒక వ్యక్తి రోజుకు రూ.100 ఆదా చేస్తే అంటే నెలకు రూ.3 వేలు ఎన్పీఎస్లో పెడితే.. నెలకు రూ.19 వేల పెన్షన్ తీసుకోవచ్చు. ఈయన 35 ఏళ్లు ఇన్వెస్ట్ చేయాలి. 60 ఏళ్లలో ఈయనకు రూ.1.15 కోట్లు వస్తాయి. 10 శాతం రాబడిని పరిగణలోకి తీసుకున్నాం. ఇందులో మీరు 60 శాతం మొత్తాన్ని వెనక్కి తీసుకోవచ్చు. అంటే రూ.69 లక్షలు ఒకేసారి చేతికి వస్తాయి. మిగతా 40 శాతం అంటే రూ.45 లక్షలతో ఒక యాన్యుటీ ప్లాన్ కొనాలి. 5 శాతం రాబడి ప్రకారం చూస్తే.. మీకు నెలకు రూ.19,200 వస్తాయి. ఎన్పీఎస్ స్కీమ్తో పన్ను మినహాయింపు కూడా పొందొచ్చు.
|
|