సీఎం జగన్ కీలక ఆదేశాలు
Andhra Pradesh Telugu | Suryaa Desk | Published : Tue, Apr 27, 2021, 02:04 PM
ఏపీలో కరోనా కేసుల సంఖ్య పెరుగుతున్న నేపథ్యంలో స్పందన సమీక్ష నిర్వహించిన సీఎం జగన్ కీలక ఆదేశాలు జారీ చేశారు. కరోనాకు సంబంధించిన అన్ని సమస్యలకు 104 కాల్ సెంటర్ వన్ స్టాప్ సొల్యూషన్ గా ఉండాలని, 104కు ఫోన్ చేసిన వెంటనే 3 గంటల్లో బెడ్ కేటాయించాలని ఆదేశించారు. మందులు కూడా ఫ్రీగా ఇవ్వాలని, 104 కాల్ సెంటర్ కు సంబంధించి తగిన సంఖ్యలో వైద్యులు అందుబాటులో ఉండాలని సీఎం జగన్ న్నారు.
అన్ని ఆస్పత్రుల్లో వైద్య సిబ్బంది, పారా మెడికల్ సిబ్బంది పూర్తి స్థాయిలో ఉండాలని, ఎక్కడ ఖాళీలున్నా వెంటనే వాక్ ఇన్ ఇంటర్వ్యూలు నిర్వహించి.. 48 గంటల్లో నియామకాలు పూర్తి చేయాలని సీఎం జగన్ ఆదేశాలు జారీ చేశారు. ప్రజలు ఒకే చోట చేరకుండా చూడాలని, పెళ్లిళ్లలకు కేవలం 50 మందికి మాత్రమే అనుమతి ఉందని తెలిపారు. స్విమ్మింగ్ పూల్స్, జిమ్ లు, పార్కుల్లో జనం ఒకే చోట చేరకుండా చూడాలని అన్నారు. జిల్లాల్లో ఒక జేసీ ఇక నుంచి కరోనా పైనే దృష్టి పెట్టాలని, అప్పుడే అనుకున్న స్థాయిలో సేవలందించగలుగుతామని పేర్కొన్నారు. ప్రభుత్వ ఆస్పత్రులు, కరోనా చికిత్స చేస్తున్న ప్రైవేటు ఆస్పత్రులు, కరోనా చికిత్స చేస్తున్న ఆరోగ్యశ్రీ ఆస్పత్రులను కూడా జేసీ చూడాలని ఆదేశించారు.
|
|