ఈ నెల 3న కేంద్ర కేబినెట్ పునర్వ్యవస్థీకరణ
Andhra Pradesh Telugu | Suryaa Desk | Published : Fri, Sep 01, 2017, 03:24 PM
న్యూఢిల్లీ: కేంద్ర కేబినెట్ పునర్వ్యవస్థీకరణకు ముహూర్తం ఖరారు చేశారు ప్రధాని నరేంద్ర మోదీ. ఈ నెల 3న (ఆదివారం) ఉదయం పది గంటలకు కొత్త మంత్రులు ప్రమాణం చేయనున్నారు. 2014లో అధికారంలోకి వచ్చిన ఎన్డీయే ప్రభుత్వం మూడోసారి కేబినెట్ విస్తరణ చేస్తున్నది. ఇప్పటికే బీజేపీ అధ్యక్షుడు అమిత్ షాతో మాట్లాడి దీనికి తుదిరూపు కూడా ఇచ్చారు ప్రధాని మోదీ. ఈసారి కొత్త ముఖాలకు చాన్స్ ఇవ్వాలని మోదీ భావిస్తున్నారు. అందులో భాగంగా ఎన్డీయే భాగస్వామ్య పక్షాలు జేడీయూ, ఏఐఏడీఎంకేలకు కూడా మంత్రివర్గంలో స్థానం కల్పించే అవకాశం ఉంది. ఇప్పటికే కొత్తవాళ్లకు అవకాశం కోసం ఐదుగురు మంత్రులు రాజీనామా చేశారు. కీలక రాష్ట్రాల్లో ఎన్నికల దృష్ట్యా కేబినెట్ పునర్వ్యవస్థీకరణకు ప్రాధాన్యం ఏర్పడింది. ప్రస్తుతం సహాయ మంత్రుల హోదాలో ఉన్న వారికి ప్రమోషన్లు కూడా దక్కే అవకాశం ఉంది. ఇక ఇప్పటికే రెండు, అంతకన్నా ఎక్కువ శాఖలు చూస్తున్న వారికి కూడా ఈ విస్తరణతో భారం తగ్గనుంది. అరుణ్జైట్లీ, స్మృతి ఇరానీ రెండేసి శాఖల బాధ్యతలు చూస్తున్నారు.
|
|