వాహనాలకు కొత్త సిరీస్...ఎలా దరఖాస్తు చేసుకోవచ్చు..?
national | Suryaa Desk | Published : Mon, Dec 27, 2021, 09:17 PM
కొత్త వాహనాల కోసం భారత్ సిరీస్(బీహెచ్-సిరీస్) రిజిస్ట్రేషన్ మార్కును కేంద్రం ప్రభుత్వం ప్రవేశపెట్టింది. మీ ఆఫీసు జారీ చేసిన ఐడీతో కొత్త రిజిస్ట్రేషన్ను పొందవచ్చు. ఈ సిరీస్కు దరఖాస్తు చేసుకునేందుకు, రోడ్డు, జాతీయ రహదారుల మంత్రిత్వ శాఖకు చెందిన వాహన్ పోర్టల్లోకి వెళ్లాలి. డీలర్ ద్వారా కూడా మీరు భారత్ సిరీస్కు దరఖాస్తు చేసుకోవచ్చు. మీ తరఫున డీలర్ ఫామ్ 20ను నింపుతారు. ప్రైవేట్ రంగంలో పనిచేసే ఉద్యోగులు పామ్ 60ను సమర్పించాలి.
వెహికల్ కోసం భారత్ సిరీస్ తీసుకునేటప్పుడు 2 ఏళ్ల కోసం రోడ్డు పన్ను కట్టాలి. ప్రతి రెండేళ్లకు ఒకసారి ఈ పన్ను కడుతూ ఉండాలి. అయితే రిజిస్ట్రేషన్ తేదీ నుంచి 14 ఏళ్లు అయిన తర్వాత, ప్రతి ఏడాది రోడ్డు పన్ను కట్టాలి. అయితే ఈ రేటు సగానికి తగ్గుతుంది. రూ.10 లక్షల కంటే తక్కువ ధర ఉన్న వాహనాలకు 8 శాతం పన్ను ఉంటుంది. రూ.10 లక్షల నుంచి రూ.20 లక్షల మధ్యలో వాహన ధర ఉంటే 10 శాతం పన్నును, రూ.20 లక్షల పైన ఉంటే 12 శాతం పన్నును కట్టాలి. డీజిల్ వాహనాలు అదనంగా 2 శాతం కట్టాలి. అదేవిధంగా ఈవీలకు 2 శాతం పన్ను మినహాయింపు ఉంది.
|
|