ట్రెండింగ్
ఆన్ లైన్ పరిచయం... డేటింగ్ కు సిద్దమైన మహిళ ఇంతలో...!
international | Suryaa Desk | Published : Tue, Dec 28, 2021, 10:30 AM
ఆన్ లైన్ పరిచయాలు ఇటీవల ఎంతటి తీవ్ర పరిణామాలకు దారి తీస్తున్నాయో ప్రత్యేకంగా చెప్పనక్కర్లేదు. తాజాగా అపరిచితుడితో డేటింగ్ కు సిద్ధమైన ఓ మహిళకు ఊహించని షాక్ తగిలింది. దీంతో ఆన్ లైన్ పరిచయాలు ఎంతటి ప్రమాదకరమో ఆమెకు తెలిసి వచ్చింది. ఇంతకీ ఏం జరిగిందంటే.. అమెరికాలోని కార్ట్వెల్ అనే మహిళ ఓ కంపెనీలో మేనేజర్ గా పని చేస్తోంది. వీకెండ్ డేటింగ్ కోసం పార్టనర్ ను వెతికే పనిలో పడింది. డేటింగ్ యాప్ సాయంతో ఓ వ్యక్తిని కలుసుకుంది. అతడితో చాటింగ్ చేయడం ప్రారంభించింది. ఒకరి అభిప్రాయాలు మరొకరు తెలుసుకుని డేటింగ్ కు అంతా ప్లాన్ రెడీ చేసుకున్నారు. ఇంతలో అతడి గురించి గూగుల్ సాయంతో మరింత సమాచారం తెలుసుకున్న కార్ట్వెల్.. ఒక్కసారిగా ఆందోళనకు గురైంది. తాను డేటింగ్కు వెళ్లాలనుకున్న వ్యక్తి ఓ కిడ్నాప్ కేసులో ఆరోపణలు ఎదుర్కొంటున్నాడు. దాంతో ఇలాంటి ఆరోపణలు ఉన్న వ్యక్తితో డేటింగ్తో వెళితే ఏం జరుగుతుందో ఊహించుకుని కార్ట్వెల్ టెన్షన్ పడింది. వెంటనే తనకు ఎదురైన ఈ అనుభవాన్ని ఇతరులతో పంచుకుంది. అపరిచిత వ్యక్తులతో డేటింగ్ కు వెళ్లే ముందు ఎదుటి వ్యక్తి విషయాలు తెలుసుకోవాలని కార్ట్ వెల్ సూచించింది.
|
|