ఆర్జీవీ ట్వీట్ పై సానుకూలంగా స్పందించిన పేర్ని.. త్వరలో కలుద్దాం అంటూ హామీ!
Andhra Pradesh Telugu | Suryaa Desk | Published : Wed, Jan 05, 2022, 08:09 PM
సినిమా టిక్కెట్ల విషయంలో ఆంధ్రప్రదేశ్ సినిమాటోగ్రఫీ మంత్రి నాని, దర్శకుడు రామ్ గోపాల్ వర్మ మధ్య ట్వీట్ వార్ నడుస్తోంది. నాని ట్విటర్ వేదికగా రాంగోపాల్ వర్మ సంధించిన ప్రశ్నలకు బదులిస్తూ.. నాని ట్వీట్కు వర్మ మళ్లీ సమాధానమిచ్చారు. ప్రభుత్వంతో ఢీకొట్టడం మా ఉద్దేశం కాదని, వ్యక్తిగతంగా వైఎస్ జగన్ అంటే నాకెంతో ఇష్టమని వర్మ ట్విట్టర్ లో పేర్కొన్నారు. మన సమస్యలను సరిగ్గా చెప్పలేకపోవడం లేదా మా కోణం నుండి మీరు అర్థం చేసుకోకపోవడం వల్ల అపార్థం ఏర్పడవచ్చు.
నా రిక్వెస్ట్ ఏంటంటే మీరు అనుమతిస్తే నేను మిమ్మల్ని కలిసి మా సమస్యలను వివరిస్తాను అని నా విన్నపం. అది విన్న తర్వాత ప్రభుత్వం ఆలోచించి సరైన పరిష్కారం చూపుతుందని ఆశిస్తున్నాను. అంటూ ట్విట్టర్లో రాశారు. తనకంటే ముందు ఇతర నేతలలా పరుష పదజాలంతో కాకుండా గౌరవంగా సమాధానం చెప్పినందుకు కృతజ్ఞతలు తెలుపుతున్నానాని గారు అని వర్మ అన్నారు.
వర్మ ట్వీట్లపై మంత్రి నాని స్పందిస్తూ.. తప్పకుండా త్వరలో కలుస్తామని ట్వీట్ చేశారు. నాని ట్వీట్ పై వర్మ స్పందిస్తూ.. నాని సానుకూలంగా స్పందించారని, అనవసర వివాదానికి స్వస్తి పలకాలని నిర్ణయించుకున్నామని అన్నారు.
|
|