ట్రెండింగ్
శుభవార్త.. నేడు వారి ఖాతాల్లోకి రూ.10 వేలు
Andhra Pradesh Telugu | Suryaa Desk | Published : Tue, Feb 08, 2022, 08:49 AM
'జగనన్న చేదోడు' పథకం నిధులను ఏపీ ప్రభుత్వం మంగళవారం విడుదల చేయనుంది. దుకాణాలున్న రజక, నాయీబ్రాహ్మణ, దర్జీలకు ఈ పథకం కింద రూ.10 వేల చొప్పున ఆర్ధిక సాయం అందించనుంది. రాష్ట్రవ్యాప్తంగా 2,85,350 మంది రజక, నాయీబ్రాహ్మణ, దర్జీలకు రూ.285.35 కోట్ల ఆర్ధిక సాయాన్ని సీఎం జగన్ విడుదల చేయనున్నారు. తాడేపల్లిలోని క్యాంపు కార్యాలయంలో కంప్యూటర్ బటన్ నొక్కి లబ్ధిదారుల ఖాతాల్లో నగదు జమ చేయనున్నారు. ఇప్పటివరకు జగనన్న చేదోడు పథకం కింద రూ.583.78 కోట్లు అందించినట్లు ప్రభుత్వం తెలిపింది. దుకాణాలున్న 1,46,103 మంది టైలర్లకు 146.10 కోట్లు, 98,439 మంది రజకులకు రూ.98.44 కోట్లు, 40,808 మంది నాయీబ్రాహ్మణులకు రూ.40.81 కోట్ల లబ్ధి చేకూర్చనున్నట్లు ప్రభుత్వం తెలిపింది.
|
|