వారి ఖాతాల్లో నగదు జమ
Andhra Pradesh Telugu | Suryaa Desk | Published : Tue, Feb 08, 2022, 12:35 PM
ఏపీలో రజక, నాయీబ్రాహ్మణ, దర్జీల సంక్షేమం కోసం వరుసగా రెండో ఏడాది ‘జగనన్న చేదోడు’ నగదును సీఎం జగన్ విడుదల చేశారు. ఈ పథకం కింద షాపులున్న రజకులు, నాయీబ్రాహ్మణులు, దర్జీలకు ఏటా రూ. 10 వేల ఆర్థిక సాయంగా రాష్ట్ర ప్రభుత్వం అందిస్తున్న విషయం తెలిసిందే.
మంగళవారం నగదు విడుదల సందర్భంగా సీఎం జగన్ మాట్లాడుతూ.. మరో మంచి కార్యక్రమానికి శ్రీకారం చుడుతున్నామని అన్నారు. జగనన్న చేదోడు కింద 2.85 లక్షల మందికి సాయం చేస్తున్నామని తెలిపారు. 2,85,350 మంది బ్యాంక్ ఖాతాల్లో రూ. 285.35 కోట్లను జమ చేస్తున్నామని పేర్కొన్నారు. షాపులున్న 1,46,103 మంది టైలర్లకు రూ. 146.10 కోట్లు, షాపులున్న 98,439 మంది రజకులకు 98.44 కోట్లు, షాపులున్న 40,808 మంది నాయీబ్రాహ్మణులకు రూ.40.81 కోట్ల సాయం అందిస్తున్నామని తెలిపారు.
ఇవాళ విడుదల చేసిన రూ.285.35 కోట్లతో కలిపి ఇప్పటివరకు ఈ పథకం కింద ప్రభుత్వం అందించిన మొత్తం సాయం రూ.583.78 కోట్లకు చేరింది. పాత అప్పులకు జమ చేసుకోలేని విధంగా లబ్ధిదారుల బ్యాంకు ఖాతాల్లో ఈ నగదును జమ చేస్తున్నారు.
|
|