బాబా ముసుగు వేసుకున్న మరో కీచకుడు
Andhra Pradesh Telugu | Suryaa Desk | Published : Wed, Sep 27, 2017, 02:48 PM
తాను నడిపే కాలేజీలోనే బెడ్ రూం ఏర్పాటు చేసుకుని ఇలాంటి తతంగం నడుపుతాడు బాబా ముసుగు వేసుకున్న కీచకుడి ఉదంతం బట్టబయలైంది. డేరా బాబా గుర్మీత్, ఫలహారీ బాబా ఉదంతాల తరహాలోనే ఉత్తరప్రదేశ్ లో సీతాపూర్ బాబా ను కూడాపోలీసులు అరెస్టు చేయడం విశేషం. పోలీసులు తెలిపిన వివరాల్లోకివెళ్తే... ఉత్తరప్రదేశ్ లో వివిధ విద్యాసంస్థలునిర్వహిస్తున్న సీతాపూర్ బాబా అలియాస్ సియారామ్ బాబాకు రింటూ సింగ్ అనే పరమ భక్తురాలు ఉంది. ఆమెకు 21 ఏళ్ల యువతిని ఆమె బంధువు అమ్మేశాడు. దీంతో ఆ యువతిని రింటూ సింగ్ బాబావద్దకు తీసుకెళ్లింది. తాను నడిపే కాలేజ్ లో బెడ్ రూం ఏర్పాటు చేసుకున్న సీతాపూర్ బాబా అప్పటి నుంచి ఆమెపై అత్యాచారానికి తెగబడ్డాడు. కేవలం బాబా మాత్రమే కాకుండా, బాబా వద్దకు వచ్చిన మరికొందరు కూడా తనపై అత్యాచారానికి తెగబడ్డట్టు బాధితురాలు కంట్రోల్ రూంకి ఫోన్ చేసి ఫిర్యాదు చేసింది. దీంతో రంగంలోకి దిగిన పోలీసులు ఒక స్థిరాస్థి సెటిల్మెంట్ కు ఆగ్రకు వెళ్లిన బాబాను అదుపులోకి తీసుకున్నారు. అనంతరం రింకూ సింగ్ ను కూడా అదుపులోకి తీసుకోవడం వాస్తవం వెలుగులోకి వచ్చింది. సీతాపూర్ బాబాపై లక్నో, బారాబంకి, ఆగ్రా చుట్టుపక్కల బోలెడు అక్రమాస్తులు కూడబెట్టాడని ఆరోపణలు ఉన్నాయని పోలీసులు తెలిపారు.
|
|