ట్రెండింగ్
పాండ్య తనకంటే మెరుగైన ఆల్రౌండర్ : కపిల్ దేవ్
Andhra Pradesh Telugu | Suryaa Desk | Published : Thu, Sep 28, 2017, 11:00 AM
హార్దిక్ పాండ్య.. ఇపుడు అందరి నోళ్లలోనూ నానుతున్న పేరు. ఆల్రౌండర్గా మ్యాచ్ మ్యాచ్కు ఎదుగుతున్నాడు. అందరి ప్రశంసలూ అందుకుంటున్నాడు. కొందరు మాజీలు అతణ్ని దిగ్గజ క్రికెటర్ కపిల్ దేవ్తో పోలుస్తున్నారు. మరి కపిల్ దేవ్ ఏమంటున్నాడు? పాండ్య తనకంటే మెరుగైన ఆల్రౌండర్ అని కపిల్ పొగిడాడు. విలేకర్ల సమావేశంలో మాట్లాడుతూ, ”పాండ్య నాకంటే మెరుగైన ఆటగాడు. ఐతే అతనింకా చాలా శ్రమించాలి” అన్నాడు. పోల్చడాన్ని నిలిపి వేయాలన్నాడు. దీనివల్ల యువకుడైన పాండ్యపై అనవసరమైన బరువు పడుతుందని హెచ్చరించాడు. ”అతను ఇంకా కెరీర్ ఆరంభంలోనే ఉన్నాడు. పాండ్యపై మనం అనవసరమైన బరువును మోపొద్దు. అతనిలో ప్రతిభకు లోటు లేదు. గొప్ప ఆటగాడిగా ఎదగగలడు” అని కపిల్ చెప్పాడు.
|
|