విజయవాడలో భారీ వర్షం
Andhra Pradesh Telugu | Suryaa Desk | Published : Thu, Oct 05, 2017, 12:35 PM
విజయవాడలో రెండు గంటల పాటు ఏకధాటిగా కురిసిన వర్షానికి రహదారులు జలమయమయ్యాయి. ఇవాళ ఉదయం ఆరుగంటల నుంచి ఎనిమిది గంటల వరకూ ఎడతెరపి లేకుండా వర్షం కురవడంతో ఆ సమయంలో పాఠశాల, కళాశాలలకు వెళ్లే విద్యార్థులు ఇబ్బందులు పడ్డారు. బెంజి సర్కిల్ సమీపంలోని డ్రైనేజి కాలువ చెత్తతో నిండిపోవడం వల్ల వరద నీరు రోడ్ల మీదకు చేరింది. మరోవైపు రోడ్లపై భారీ స్థాయిలో వర్షపునీరు నిలిచిపోవడంతో ట్రాఫిక్కు అంతరాయం కలిగింది. పలు చోట్ల లోతట్టు ప్రాంతాల్లోకి వరదీ నీరు చేరింది.
|
|