యార్కర్ల బౌలర్కి షాకిచ్చిన సెలక్టర్లు
Andhra Pradesh Telugu | Suryaa Desk | Published : Thu, Oct 05, 2017, 05:23 PM
మైదానంలో వరుస యార్కర్లతో ప్రత్యర్థి బ్యాట్స్మెన్లపై విరుచుకుపడే శ్రీలంక ఫాస్ట్ బౌలర్ లసిత్ మలింగకి ఆ దేశ సెలక్టర్లు షాకిచ్చారు. పాకిస్థాన్తో ఈ నెల 13 నుంచి దుబాయ్ వేదికగా జరగనున్న వన్డే సిరీస్ కోసం సెలక్టర్లు ప్రకటించిన జట్టులో అతనికి స్థానం దక్కలేదు. 2019 ప్రపంచకప్ నేపథ్యంలో యువ క్రికెటర్లకి అవకాశమిచ్చి జట్టుని సిద్ధం చేసే వ్యూహంలో భాగంగానే.. గత కొంతకాలంగా పేలవ ప్రదర్శనతో నిరాశపరుస్తున్న మలింగపై సెలక్టర్లు వేటు వేశారని తెలుస్తోంది.
గాయం నుంచి కోలుకుని ఈ ఏడాది ఛాంపియన్స్ ట్రోఫీ సమయంలో జట్టులోకి పునరాగమనం చేసిన మలింగ.. అప్పటి నుంచి 13 వన్డేలాడి పేలవ రీతిలో పది వికెట్లు మాత్రమే తీశాడు. ఇటీవల భారత్తో ముగిసిన సిరీస్లోనూ ఈ ఫాస్ట్ బౌలర్ తేలిపోవడంతో ఆ జట్టు ఐదు వన్డేల సిరీస్లో క్లీన్స్వీప్ అయ్యింది. దీంతో మలింగని పక్కన పెట్టాలని సెలక్టర్లు నిర్ణయించారు.
|
|