ట్రెండింగ్
ఝరి స్నానాల్లో భక్తులు జాగ్రత్తలు పాటించాలి
Andhra Pradesh Telugu | Suryaa Desk | Published : Sun, Feb 27, 2022, 09:31 AM
మహాశివరాత్రి సందర్భంగా జరిగే ప్రత్యేక ఝరి స్నానాలు, పూజల్లో భక్తులు తగు జాగ్రత్తలు పాటించాలని ఎస్సై రవిప్రకాష్ రెడ్డి తెలిపారు. కలకడ మండలంలోని ఝరి కోనను ఎస్సై, తన సిబ్బందితో కలిసి సందర్శించారు. ఈ సందర్భంగా వారక్కడ ప్రమాదకర ప్రాంతాలను గుర్తించారు. ఈ ఏడాది జోరుగా కురిసిన వర్షాలకు నది హోరెత్తింది. ఝరి స్నానాల కోసం వచ్చే భక్తులు లోతైన, ప్రమాదకర ప్రాంతాల్లోకి వెళ్లకుండా హెచ్చరిక బోర్డులు ఏర్పాటు చేయనున్నట్లు తెలిపారు. భక్తులు కూడా పోలీసుల సూచనలు పాటిస్తూ, నదిలోకి నిర్ణీత హద్దు దాటి, లోతైన ప్రాంతాలకు వెళ్ళొద్దని విజ్ఞప్తి చేశారు. ఝరి మహోత్సవంలో భక్తులు సహనాన్ని పాటిస్తూ, ఒక్కొక్కరుగా ఝరి స్నానాలు ఆచరించాలన్నారు. అలాగే అక్కడ ఎలాంటి అపశ్రుతులకు అవకాశం లేకుండా తగు జాగ్రత్తలు పాటించాలని ఎస్ఐ సూచించారు.
|
|