అఖిలేష్ యాదవ్ ఓ బలహీన బౌలర్: అమీత్ షా
national | Suryaa Desk | Published : Wed, Mar 02, 2022, 03:53 PM
అఖిలేష్ బాగా బలహీన బౌలర్ అని కేంద్ర హోంశాఖ మంత్రి అమీత్ షా విమర్శించారు. ఉత్తరప్రదేశ్ ఎన్నికల ప్రచారం హోరాహోరీగా సాగుతున్నది. అధికార ప్రతిపక్ష పార్టీల నాయకులు ఒకరినిమించి ఒకరు మాటల తూటాలను పేలుస్తున్నారు. తాజాగా ఉత్తరప్రదేశ్ ఎన్నికల ప్రచారంలో పాల్గొన్న కేంద్ర హోంమంత్రి అమిత్ షా సమాజ్వాదీ పార్టీ అధినేత అఖిలేష్ యాదవ్ ను టార్గెట్ చేశారు. భారత్ కు అత్యంత ఇష్టమైన క్రీడల్లో ఒకటైన క్రికెట్ క్రీడతో ప్రస్తుత ఎన్నికలను పోల్చిన అమిత్ షా అఖిలేష్ యాదవ్ ఫుల్ టాస్ వేశారని బిజెపి నుండి బరిలోకి దిగిన అభ్యర్థులు 2022 ఎన్నికలలో కూడా బౌండరీ కొట్టాలని పిలుపునిచ్చారు. 2013లో బీజేపీ విజయ్ అభియాన్ ను ఖుషి నగర్ నుంచి ప్రారంభించిందని, 2014లో దేశం మొత్తం మోడీకి మద్దతుగా ఓటేసింది అని అమిత్ షా పేర్కొన్నారు. అఖిలేష్ బాగా బలహీన బౌలర్ అని పేర్కొన్న అమిత్ షా, అతడు వేసే బాల్స్ కు మనం ఫోర్లు కొట్టాలని పిలుపునిచ్చారు. సోమవారం ఖుషి నగర్ లో జరిగిన ర్యాలీలో అమిత్ షా సమాజ్వాది పార్టీ, బహుజన్ సమాజ్ పార్టీ లపై తీవ్ర స్థాయిలో విరుచుకుపడ్డారు. సమాజ్ వాదీ పార్టీ బహుజన సమాజ్ పార్టీ లు యూపీలో కుల రాజకీయాలకు పాల్పడ్డారని అమిత్ షా ఆరోపించారు.
|
|