అమ్మాయిల నగ్న ఫొటోలను తీసిన యువకుడు
national | Suryaa Desk | Published : Sun, Mar 06, 2022, 01:56 PM
నమ్మకంగా పని చేస్తున్నాడని ఆ యజమాని భావించాడు. దీంతో తన ఇంట్లో చిన్న చిన్న పనులు చేసేందుకు సాయంగా ఆ యువకుడిని పెట్టుకున్నాడు. అయితే అతడిలోని వికృత రూపాన్ని ఆయన గమనించలేదు. కొంతకాలానికి తన కుమార్తెల నగ్న ఫొటోలను తీస్తున్నాడని తెలుసుకుని ఆగ్రహంతో ఊగిపోయాడు. దీనికి సంబంధించిన వివరాలిలా ఉన్నాయి.
దక్షిణ ముంబైలోని ఓ ప్రముఖ గిఫ్టు షాపు యజమాని ఎనిమిదేళ్ల క్రితం తన ఇంట్లో సాయపడేందుకు 32 ఏళ్ల అమన్ అనే నిందితుడిని పనిలో పెట్టుకున్నాడు. చాలా కాలం నుంచి ఇంట్లో పని చేస్తుండడంతో కుటుంబ సభ్యులలో ఒకడిగా భావించారు. యజమాని ఇంట్లో లేనప్పుడు ఆ ఇంట్లో మహిళలు, చిన్నారుల నగ్న ఫొటోలను తీసేవాడు. చివరికి 13 ఏళ్ల బాలిక బట్టలు మార్చుకుంటున్నప్పుడు, స్నానం చేస్తున్నపుడు ఫొటోలు, వీడియోలు తీశాడు. అయితే ఇటీవల ఆ అమ్మాయి నిందితుడి ఫోన్ తీసుకుని వీడియో గేమ్ ఆడుకుంది. అనుకోకుండా అందులో వీడియోలు, ఫొటోలను చూడగా అవాక్కయింది. విషయాన్ని తన తల్లిదండ్రులకు తెలిపింది. వారు ఫోన్ను పరిశీలించగా, తమ కుమార్తెతో పాటు 11 ఏళ్ల వారి మేనకోడలి నగ్న ఫొటోలు కూడా దర్శనమిచ్చాయి. బాధితురాలి తల్లి ఫిర్యాదుతో పోలీసులు రంగంలోకి దిగారు. పోస్కో యాక్టు ప్రకారం కేసు నమోదు చేశారు.
|
|