అటు విధి నిర్వాహణ..ఇటు ఇంటిని కాపాడుకొనేలా

ఒకే సమయంలో రెండు బాధ్యతలు సాధ్యాం కాదు. కానీ సాధ్య కానిది ఏదీ లేదు అని నిరూపించాడు ఆ రిపోర్టర్. వాతావరణ వార్తలు అనగానే మనలో ఒకింత చిన్నచూపు ఉంటుంది. 2 వేళ్లలో ఏదో ఒకటి పట్టుకొని... వర్షం వస్తుందో, రాదో డిసైడ్ చేస్తారనే జోక్ ఓ సినిమాలో ఉంటుంది. ఈ రోజుల్లో వాతావరణ వార్తలకు విదేశాల్లో చాలా ప్రాధాన్యం ఉంది. అవి ఎంతో కచ్చితత్వంతో ఉంటున్నాయి. తాజాగా అలాంటి ఓ లైవ్ బులిటెన్‌ లో అమెరికా వాతావరణ రిపోర్టర్చేసిన పని వైరల్ అయ్యింది. ఆ రాకాసి తుఫాను (Tornado) వస్తున్న వార్తను చదువుతూ ఆ రిపోర్టర్... లైవ్ లోనే తన ఇంటికి కాల్ చేశాడు. పిల్లలు కాల్ రిసీవ్ చేసుకున్నారు. తుఫాను ఇంటి దగ్గర్లోనే ఉందనీ... మరో పావు గంటలో ఇంటికి చేరుతుందనీ... వెంటనే అందరూ కిందకు వెళ్లిపోండి అని హెచ్చరించాడు. 

అలా అతను ఓవైపు తుఫాను గురించి ప్రజలకు అప్‌డేట్ ఇస్తూనే... మరోవైపు తన ఫ్యామిలీని కాపాడుకునేందుకు ప్రయత్నించడం హర్షదాయకం. మన దేశంలో తుఫాను వస్తోంది అంటే... అది కచ్చితంగా ఎక్కడుందో డిసైడ్ చేయడం ఒకింత కష్టం అవుతుంది. టోర్నడోల విషయంలో అలా కాదు. వాటి పరిధి ఎంత అనేది క్లియర్‌గా తెలుస్తుంది. అందువల్ల అవి ఎక్కడున్నాయో, ఎటువైపు వస్తోందో తెలుసుకోవచ్చు. టోర్నడోలో చిక్కుకుంటే ఇళ్లు, వాహనాలు కూడా ఎగిరిపోతాయి. అంత బలంగా ఉంటాయవి. అందువల్లే ఆ రిపోర్టర్ కూడా తన పిల్లలకు కాల్ చేసి... వారిని అలర్ట్ చేశాడు. ఆ తుఫాను గురువారం మేరీలాండ్ వైపు వచ్చినప్పుడు ఇది జరిగింది. ఆ తుఫాను చెవీ ఛేజ్‌లోని తన ఇంటివైపే వస్తోందని ఆ రిపోర్టర్ ముందే గుర్తించాడు.

తుఫాను వెళ్లిపోయాక...ఎన్బీసీ-4 వాషింగ్టన్ రిపోర్టర్ డౌగ్ కామ్మెరెర్.. తన పిల్లలు సేఫ్‌గా ఉన్నారని తెలిపాడు. ఆ లైవ్ వీడియో క్లిప్‌ని ఫేస్‌బుక్‌లో పోస్ట్ చేశాడు. అతను ఎమర్జెన్సీ కాల్ చెయ్యడాన్ని నెటిజన్లు మెచ్చుకుంటున్నారు. స్ట్రీట్ వ్యూలో తుఫానును గమనించి... ఇంటికి కాల్ చేసి సరైన పని చేశాడని అంటున్నారు. "నిజంగా అద్భుతమైన మనిషి. అతను అద్భుతమైన రోల్ మోడల్‌గా ఉన్నాడు. తన కుటుంబానికి మొదటి ప్రాధాన్యం ఇస్తూ... అదే సమయంలో ప్రజలకు విలువైన తక్షణ సమాచారానని అందించాడు. థాంక్యూ" అని ఓ యూజర్ స్పందించారు. "అద్భుతమైన మల్టీ టాస్కింగ్. పని చాలా ముఖ్యం అలాగే కుటుంబాన్ని సురక్షితంగా ఉంచడం అనేది కూడా తండ్రిగా అతని బాధ్యత" అని మరో యూజర్ కామెంట్ ఇచ్చారు.