పానకం, వడపప్పుతో ఎన్నో ప్రయోజనాలు
Recipes | Suryaa Desk | Published : Sun, Apr 10, 2022, 09:25 AM
శ్రీరామ నవమి వచ్చిందంటే చాలు ప్రజలంతా ఎంతో భక్తిభావంతో రామాలయాలకు సీతారాములకు పూజ చేస్తారు. చాలా మంది భద్రాచలంలోని శ్రీరాముల వారి ఆలయానికి వెళ్లి, స్వామి వారి దర్శనం చేసుకు వస్తుంటారు. దేశవ్యాప్తంగా శ్రీరామ నవమి నాడు పెట్టే నైవేద్యాలు బెల్లం పానకం, వడపప్పులను అందరూ ఎంతో ఇష్టంగా స్వీకరిస్తారు. అయితే వాటిని తీసుకుంటే ఎన్నో ప్రయోజనాలున్నాయని నిపుణులు చెబుతున్నారు. ఈ రెండు నైవేద్యాలకూ అపారమైన ఔషధ గుణాలు ఉన్నాయని పేర్కొంటున్నారు. శ్రీరామ నవమి నాడు చేసే పానకంలో బెల్లంతో పాటు అందులో మిరియాల పొడి, శొంఠి పొడి, యాలకుల పొడి వేస్తారు. అవన్నీ ఆరోగ్యానికి ఎంతో మేలు చేస్తాయి. బెల్లంలో ఐరన్, మెగ్నీషియం, పాస్ఫరస్, పొటాషియం వంటివి పుష్కలంగా లభిస్తాయి. జీర్ణవ్యవస్థ పని తీరును మెరుగుపరచడంలో మిరియాలు, శొంఠి ఉపయోగపడతాయి. నోటి దుర్వాసనను పోగొట్టడంలో యాలకులు దోహదపడతాయి. పానకంలో కలిపే అన్ని పదార్థాలతో జీర్ణాశయం శుభ్రమవుతుంది. ఇక వడపప్పులో పెసరపప్పు, కొబ్బరి తురుము, మామిడి, కొత్తిమీర వేస్తారు. అవి శరీరంలోని వేడిని తగ్గిస్తాయి. పెసరపప్పులోని ఐరన్, పొటాషియం పుష్కలంగా ఉంటాయి. అవి గుండె పనితీరును మెరుగపరిచి, హృద్రోగ సమస్యల బారిన పడకుండా చేస్తాయి.
|
|