ట్రెండింగ్
రోజా కీలక ప్రకటన
Andhra Pradesh Telugu | Suryaa Desk | Published : Mon, Apr 11, 2022, 12:46 PM
ఏపీ సీఎం వైఎస్ జగన్ కొత్త కేబినెట్లో ఎమ్మెల్యే రోజాకు చోటు దక్కింది. దీంతో ఆమె కీలక నిర్ణయం తీసుకున్నారు. ఇక నుంచి సినిమాలు, జబర్దస్త్ వంటి టీవీ షోలకు దూరంగా ఉండనున్నట్లు ప్రకటించారు. బుల్లితెరపై ప్రసారమయ్యే జబర్దస్త్ షో ప్రేక్షకాదరణ ఎక్కువ. ఈ కామెడీ స్కిట్ల షోకు మొదటి నుంచి జడ్జిగా మెగా బ్రదర్ నాగబాబుతో పాటు రోజా కొనసాగుతూ వచ్చారు. మధ్యలో జబర్దస్త్కు నాగబాబు దూరమైనప్పటికీ రోజా మాత్రం జడ్జిగా కొనసాగారు. ఎమ్మెల్యేగా రాజకీయాల్లో చురుగ్గా ఉంటూనే, జబర్దస్త్లో జడ్జిగా కూడా పని చేశారు. సోమవారం మంత్రిగా ఆమె ప్రమాణ స్వీకారం చేయనున్నారు. మంత్రి హోదాలో ఆమె బాధ్యతలు మరింత పెరగనున్నాయి. ఈ క్రమంలో సినిమాలకు, టీవీ షోలకు దూరంగా ఉండనున్నట్లు ఆమె ప్రకటించారు.
|
|