ఫ్రెషర్స్‌కు గుడ్ న్యూస్ చెప్పిన ఐటి దిగ్గజం విప్రో
national | Suryaa Desk | Published : Tue, Apr 12, 2022, 12:42 PM
ప్రముఖ ఐటీ కంపెనీ దిగ్గజం విప్రో పోస్టుల భర్తీ చేపట్టనుంది. ఎకౌంట్ ఎగ్జిక్యూటివ్ బ్యాంకింగ్, ఫైనాన్షియల్ సర్వీసెస్ విభాగంలో ఈ ఖాళీలను భర్తీ చేయనున్నారు.ఎంపికైన అభ్యర్ధులు క్లయింట్ సంబంధిత విధులను చూడాల్సి ఉంటుంది. ఎంపికైన అభ్యర్ధులు హైదరాబాద్ ఏరియాలో విధులు నిర్వర్తించాల్సి ఉంటుంది. ఫ్రెషర్స్ ఈ ఉద్యోగాలకు దరఖాస్తు చేసుకునేందుకు అర్హులు. అదే క్రమంలో బిగెన్ ఎగైన్ పేరుతో విప్రో సరికొత్త కార్యక్రమానికి శ్రీకారం చుట్టింది. కెరీర్ లో గ్యాప్ వచ్చిన మహిళా ఐటీ నిపుణులు తిరిగి కెరీర్ ను ప్రారంభించేందుకు అవకాశం కల్పిస్తోంది.
విప్రో ఇన్ క్లూజన్ అండ్ డైవర్శిటీ ఇనిషియేటివ్ ప్రోగ్రామ్ లో భాగంగా వివిధ కారణాల వల్ల కెరీర్ కు కొంతకాలంగా దూరంగా ఉన్న మహిళలను తిరిగి ఉద్యోగ అవకాశం కల్పించనున్నారు. ఆరునెలల నుండి ఒక సంవత్సరం అంతకంటే ఎక్కువ కాలం పాటు కెరీర్ కు దూరంగా ఉన్న ఐటి మహిళా నిపుణులు మాత్రమే దరఖాస్తు చేసుకునేందుకు అర్హులు. దరఖాస్తులను ఆన్‌లైన్ పద్ధతిలో పంపాల్సి ఉంటుంది. దరఖాస్తు చేసుకునేందుకు వెబ్ సైట్ https://careers.wipro.com/opportunities/jobs పరిశీలించగలరు.
|
|