తక్కువ వడ్డీకే...ఎస్భీఐ హోం లోన్స్

సొంతింటి కలను సాకారం చేసుకోవాలని భావించేవారికి ఎస్భీఐ శుభవార్త వినిపిస్తోంది. ప్రభుత్వ రంగానికి చెందిన దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా(ఎస్బీఐ) రుణ గ్రహీతలకు తక్కువ వడ్డీ రేటుకే గృహ రుణాలు అందిస్తోంది. అలాగే లోన్ తీసుకునే వారు మహిళలు అయితే వీరికి ప్రత్యేకమైన ప్రయోజనాలు లభిస్తున్నాయి. రుణ రేటుపై రాయితీ పొందొచ్చు. అంటే సాధారణ కస్టమర్ల కన్నా మహిళలకు తక్కువ వడ్డీ రేటుకే హోం లోన్ రుణాలు లభిస్తాయని చెప్పుకోవచ్చు. అయితే ఈ హోమ్ లోన్స్ క్రెడిట్ స్కోర్‌తో లింక్ అయ్యి ఉంటాయి. అందువల్ల సిబిల్ స్కోర్ బాగుండేలా చేసుకోండి. క్రెడిట్ స్కోర్ బాగుంటే అధిక రుణ మొత్తం కూడా పొందే అవకాశం ఉంటుంది. ఎస్‌బీఐ తన ట్విట్టర్ హ్యాండిల్ ద్వారా ఈ విషయాన్ని వెల్లడించింది. స్టేట్ బ్యాంక్ హోమ్ లోన్స్‌తో మీ సొంతింటి కల సాకారం చేసుకోండి అంటూ ఎస్‌బీఐ ట్వీట్ చేసింది. ఇకపోతే ఎస్‌బీఐ అందిస్తున్న హోమ్ లోన్స్ గురించి పూర్తి వివరాలు ఒకసారి తెలుసుకుందాం.

ఎస్‌బీఐ రెగ్యులర్ హోమ్ లోన్ ప్రత్యేకతలు

* కస్టమర్ల అవసరాలకు అనుగుణంగా హోమ్ లోన్ ప్రొడక్టులు

* తక్కువ వడ్డీ రేటు

* తక్కువ ప్రాసెసింగ్ ఫీజు

* హిడెన్ చార్జీలు ఉండవు

* ప్రిపేమెంట్ పెనాల్టీ చార్జీలు ఉండవు

* డెయిలీ రెడ్యూసింగ్ బ్యాలెన్స్‌పై వడ్డీ వసూలు

* 30 ఏళ్ల వరకు రీపేమెంట్ ఆప్షన్

* ఓవర్ డ్రాఫ్ట్ రూపంలో కూడా హోమ్ లోన్ సౌకర్యం

* మహిళలకు వడ్డీ రేటులో తగ్గింపు

లోన్ అర్హతలు ఇవే

- భారతీయ పౌరులు అయ్యి ఉండాలి.

- కనీస వయసు 18 ఏళ్లు

- 70 ఏళ్లలోపు వయసు కలిగి ఉండాలి

- 30 ఏళ్ల వరకు లోన్ టెన్యూర్

కావాల్సిన డాక్యుమెంట్లు

ఎంప్లాయర్ ఐడీ కార్డు కావాలి. లోన్ అప్లికేషన్‌తోపాటు మూడు పాస్‌పోర్ట్ సైజ్ ఫోటోలు అవసరం అవుతాయి. ఆధార్ కార్డు, పాన్ కార్డు వంటివి కావాల్సిందే. ప్రాపర్టీకి సంబంధించిన వివరాలు, డాక్యుమెంట్లు కూడా అందించాలి. కన్‌స్ట్రక్షన్ పర్మిషన్, రిజిస్టర్డ్ అగ్రిమెంట్ ఫర్ సేల్, ఆక్యుపెన్సీ సర్టిఫికెట్, మెయింటెన్స్ బిల్లు, ఎలక్ట్రిసిటీ బిల్లు, ట్యాక్స్ రశీదు, అప్రూవ్డ్ లోన్ కాపీ, పేమెంట్ రశీలు లేదా గత ఆరు నెలల బ్యాంక్ స్టేట్‌మెంట్ వంటివి ఇవ్వాలి. 3 నెలల శాలరీ స్లిప్‌లు అందించాలి. ఫామ్ 16, ఐటీఆర్ కూడా ఇవ్వాల్సిందే.

వడ్డీ రేట్లు ఇలా

హోమ్ లోన్ వడ్డీ రేట్లు క్రెడిట్ స్కోర్ ప్రాతిపదికన మారతాయి. 800కు పైన స్కోర్ ఉంటే వడ్డీ రేటు 6.65 శాతంగా ఉంది. 750 - 799 స్కోర్ ఉంటే 6.75 శాతం వడ్డీ పడుతుంది. 700 - 749 మధ్యలో క్రెడిట్ స్కోర్ ఉంటే 6.85 శాతం వడ్డీ చెల్లించుకోవాలి. 650 - 699 మధ్యలో క్రెడిట్ స్కోర్ ఉంటే వడ్డీ రేటు 6.95 శాతంగా ఉంటుంది. 550- 649 మధ్యలో స్కోర్ ఉంటే 7.15 శాతం వడ్డీ రేటు పడుతుంది. సిబిల్ స్కోర్ లేకపోతే 6.85 శాతం వడ్డీ చెల్లించుకోవాలి. మహిళలకు వడ్డీ రేటులో 5 బేసిస్ పాయింట్ల తగ్గింపు ఉంటుంది. అంటే 6.65 శాతం నుంచి వడ్డీ ప్రారంభం అవుతుంది.