ఢిల్లీపై బెంగళూరు అద్భుత విజయం
sports | Suryaa Desk | Published : Sun, Apr 17, 2022, 09:08 AM
ఐపీఎల్-2022 సీజన్‌లో రాయల్ ఛాలెంజర్స్ బెంగళూరు జట్టు అంచనాలకు తగ్గట్టు ఆడుతోంది. తాజాగా శనివారం ఢిల్లీ క్యాపిటల్స్‌ జట్టుతో జరిగిన మ్యాచ్‌లో 16 పరుగుల తేడాతో విజయం సాధించింది. తొలుత బ్యాటింగ్ చేసిన బెంగళూరు జట్టు నిర్ణీత 20 ఓవర్లలో 5 వికెట్లు కోల్పోయి 189 పరుగులు చేసింది. ఆ జట్టులో దినేష్ కార్తీక్ (66*), మ్యాక్స్‌వెల్ (55), షాబాజ్ అహ్మద్ (32*) రాణించారు. ముఖ్యంగా దినేష్ కార్తీక్ 5 సిక్స్‌లు, 5 ఫోర్లతో చెలరేగి ఆడాడు. ఢిల్లీ బౌలర్లలో శార్దూల్ ఠాకూర్, ఖలీల్ అహ్మద్, అక్షర్ పటేల్, కుల్దీప్ యాదవ్‌లకు ఒక్కో వికెట్ చొప్పున దక్కింది. 190 పరుగుల లక్ష్యంతో బరిలోకి దిగిన ఢిల్లీ జట్టు 20 ఓవర్లలో 7 వికెట్లు కోల్పోయి 173 పరుగులు మాత్రమే చేసి పరాజయం పాలైంది. ఆ జట్టులో డేవిడ్ వార్నర్ (66), రిషబ్ పంత్ (34) పోరాడినా జట్టును విజయతీరాలకు చేర్చలేకపోయారు. బెంగళూరు బౌలర్లలో హేజిల్‌వుడ్ 3, సిరాజ్ 2, హసరంగ 1 వికెట్ చొప్పున తీశారు.
|
|