ప్రియుడితో తల్లి పరార్.. అనాథలైన పిల్లలు
national | Suryaa Desk | Published : Sun, Apr 17, 2022, 04:20 PM
భర్త చనిపోయిన తర్వాత పిల్లలను పెంచి పెద్ద చేయాల్సిన ఆ మహిళ బాధ్యతలను విస్మరించింది. తన సుఖం తాను చూసుకుంటూ, ప్రియుడితో పరార్ అయింది. దీంతో ఆరుగురు పిల్లలు దిక్కులేని వారయ్యారు. తండ్రి చనిపోవడం, తల్లి కనిపించకపోవడంతో బేల చూపులు చూస్తున్నారు. ఈ దారుణ ఘటన గురించిన వివరాలిలా ఉన్నాయి.
మహారాష్ట్రలోని విదిశా జిల్లా శంషాబాద్‌ పోలీస్‌స్టేషన్‌ పరిధిలోని ఓ గ్రామంలో రాణి అహిర్వార్‌(30)కు ఆరుగురు పిల్లలు. ఆమెకు భర్తతో విభేదాలున్నాయి. వారిద్దరికీ గొడవలు అవడంతో ఆమె భర్త కొన్ని రోజుల క్రితం వాటర్ ట్యాంకు నుంచి దూకి ఆత్మహత్య చేసుకున్నాడు. భర్త చనిపోయిన తర్వాత ఎదురింట్లో ఉండే వ్యక్తికి దగ్గరైంది. ఈ క్రమంలో తనకు ప్రియుడే ముఖ్యమని, పిల్లల బాధ్యత అక్కర్లేదని ఆమె భావించింది. ఓ రాత్రి గుట్టుచప్పుడు కాకుండా అతడితో ఎటో వెళ్లి పోయింది. దీంతో ఆమె పిల్లలను బంధువులు అక్కున చేర్చుకున్నారు. ఆమెకు భర్త చనిపోవడంతో రూ.15 లక్షలు ఇన్స్యూరెన్స్ వస్తుందని, ఆ మొత్తాన్ని పిల్లల ఖాతాలో వచ్చేలా చూడాలని అధికారులను వారు కోరుతున్నారు. పిల్లలను వదిలి వెళ్లిందని వారు పోలీస్ స్టేషన్‌లో కేసు కూడా పెట్టారు.
|
|