పారిశ్రామికవేత్త దండా ప్రసాద్ కు ఎమ్మెల్యే నివాళులు
Andhra Pradesh Telugu | Suryaa Desk | Published : Mon, Apr 18, 2022, 03:43 PM
గుంటూరు నగరానికి చెందిన ప్రముఖ పారిశ్రామికవేత్త, జ్యోతిర్మయి టెక్స్ టైల్స్ ప్రైవేట్ లిమిటెడ్, జ్యోతిర్మయి ప్రాపర్టీస్ మేనేజింగ్ డైరెక్టర్, ఏపీ టెక్స్ టైల్ మిల్స్ అసోసియేషన్ చైర్మన్, దండా ప్రసాద్ సోమవారం ఉదయం గుండెపోటుతో హఠాన్మరణం చెందారు. దండా ప్రసాద్ మైలవరం శాసనసభ్యులు వసంత కృష్ణప్రసాద్ కు మిత్రులు కూడా ఆయన మరణ వార్త తెలుసుకున్న మైలవరం శాసనసభ్యులు వసంత కృష్ణ ప్రసాద్ తీవ్ర దిగ్భ్రాంతి వ్యక్తం చేశారు.
గుంటూరు నగరంలో దండా ప్రసాద్ పార్థివ దేహాన్ని సోమవారం మధ్యాహ్నం సందర్శించారు. పార్థివ దేహానికి పూలమాలలు వేసి ఘనంగా నివాళులర్పించారు. ఈ సందర్భంగా శాసనసభ్యులు కృష్ణ ప్రసాద్ మాట్లాడుతూ దండా ప్రసాద్ మృతిని జీర్ణించుకోలేక పోతున్నట్లు ఆవేదన వ్యక్తం చేశారు. ఆయన పవిత్ర ఆత్మకు శాంతి కలగాలని భగవంతుని ప్రార్ధించారు. కుటుంబ సభ్యులను పరామర్శించి ప్రగాఢ సంతాపం, సానుభూతి తెలియజేశారు.
|
|