ఆయనే నా సూపర్ స్టార్: నారా లోకేష్
Andhra Pradesh Telugu | Suryaa Desk | Published : Wed, Apr 20, 2022, 12:35 PM
టీడీపీ అధినేత చంద్రబాబుకు ఆయన తనయుడు నారా లోకేష్ బుధవారం జన్మదిన శుభాకాంక్షలు తెలిపారు. తనకు తండ్రి చంద్రబాబే సూపర్ స్టార్ అని కొనియాడారు. ''జన్మనిచ్చేవారే కాకుండా చదువు చెప్పేవారు, అన్నం పెట్టిన వారు, భయాన్ని పోగొట్టేవారు కూడా తండ్రితో సమానం అని చాణక్యుడు చెప్పాడు. ఆ ప్రకారంగా చూస్తే ఆయన దార్శనిక పాలన ద్వారా ఎంతో మంది పేదలు కూడా ఉన్నత చదువులు చదవగలిగారు. లక్షల ఉద్యోగాలిచ్చి కోట్లాదిమందికి అన్నదాత అయ్యారు.
ఇక తెలుగువారికి ఆయనంటే ఒక భరోసా.లక్షలాది తెలుగుదేశం సైనికులకు ఆయనే ఒక ధైర్యం. ఈ రకంగా కోట్లాది మందికి తండ్రి అయ్యారు ఆయన. సొంత కుటుంబం కోసం కాకుండా, తెలుగు జాతినే కుటుంబం చేసుకుని, ఆ కుటుంబం కోసం ఎన్నో త్యాగాలు చేసిన ఆయనే నా సూపర్ స్టార్... ఆయనే మా నాన్న చంద్రబాబు గారు'' అని ట్వీట్ చేశారు. చంద్రబాబు 73వ పుట్టిన రోజు కావడంతో పార్టీ నాయకులు, కార్యకర్తల నుంచి ఆయనకు శుభాకాంక్షలు వెల్లువెత్తుతున్నాయి.
|
|