ట్రెండింగ్
రూ.71వేల స్కూటీకి రూ.15.44లక్షల ఫ్యాన్సీ నెంబర్ ప్లేట్!
national | Suryaa Desk | Published : Wed, Apr 20, 2022, 03:21 PM
చండీగఢ్లోని సెక్టార్-23లో నివాసముండే బ్రజ్మోహన్ అనే 42 ఏళ్ల వ్యక్తి తన స్కూటీకి ఫ్యాన్సీ నంబర్ ప్లేట్ కోసం ఏకంగా రూ.15.44 లక్షలు ఖర్చు చేశాడు. అతను ఇటీవలే రూ.71వేలతో హోండా యాక్టివా కొనుగోలు చేశాడు. దానికి ఫ్యాన్సీ నంబర్ ప్లేట్ కోసం చండీగఢ్ రిజిస్ట్రేషన్ అండ్ లెసైన్సింగ్ అథారిటీ నిర్వహించిన వేలంపాటలో పాల్గొన్నాడు. చివరకు రూ.15.44లక్షలతో 'CH01-CJ-0001' వీఐపీ నంబర్ను దక్కించుకున్నాడు.
ఈ వేలంపాటను ఏప్రిల్ 14-16 మధ్య నిర్వహించారు. మొత్తం 378 ఫ్యాన్సీ నంబర్లను వేలం వేయగా రూ.1.5కోట్ల ఆదాయం వచ్చిందని అధికారులు తెలిపారు. ఈ ఫ్యాన్సీ నంబర్ ను కేవలం స్కూటీ కోసమే తీసుకోలేదని బ్రజ్మోహన్ చెప్పారు. భవిష్యత్తులో ఇదే నంబర్ ను కారు నంబర్ ప్లేట్గా ఉపయోగిస్తానని తెలిపారు. ఇప్పుడు మాత్రం హోండా యాక్టివాపైనే ఈ నంబర్ కన్పిస్తుందని పేర్కొన్నారు.
|
|