జీవితాన్ని మార్చేసిన లాక్ డౌన్.. 62 ఏళ్ల వయసులో మోడలింగ్
national | Suryaa Desk | Published : Thu, Apr 21, 2022, 12:39 PM
ఛత్తీస్గఢ్ రాయ్పుర్లోని బారోన్ బజార్కు చెందిన 62 ఏళ్ల అధీర్ భగవ్నానీ ఇప్పుడు భారతీయ మోడలింగ్ రంగంలో చక్రం తిప్పుతున్నాడు. దిగ్గజ సంస్థల ప్రకటనలలో నటిస్తూ మోడలింగ్ లో నయా సూపర్ స్టార్ గా ఎదిగాడు. కుటుంబ వ్యాపారాలు చూసుకునే అధీర్ కు అసలు మోడలింగ్ తో సంబంధం లేదు. ఆయన ఉక్కు, స్టీల్ వ్యాపారం చేసేవారు. ఓ పరిశ్రమ నడిపేవారు. 2021 జులైలో ఆయన జీవితం అనూహ్య మలుపు తిరిగింది. అప్పటివరకు ఆయన ఎవరికీ తెలియదు.
కరోనా లాక్డౌన్ సమయంలో క్షౌరశాలలు మూతపడ్డాయి. దీంతో అప్పటివరకు చిన్నగా ఉండే అధీర్ గడ్డం కటింగ్ చేయించకపోవడంతో బాగా పెరిగింది. దీంతో ఆయన అదే లుక్ లో ఉన్నారు. 2021 జులైలో తన భార్యను తీసుకొద్దామని అధీర్ మార్కెట్ కు వెళ్లారు. ఆమె కోసం కారులో ఎదురుచూస్తున్నారు. ఇంతలో ఓ వ్యక్తి వచ్చి తనకు మోడలింగ్ చేసేందుకు అవకాశం ఇస్తానని చెప్పాడట. తన గడ్డం బాగుంది అని చెప్పాడట. అలా ఆయన మోడలింగ్ ను మొదలుపెట్టారు. మళ్లీ వెనుదిరిగి చూడలేదు. ఢిల్లీలోని తన ఫ్రెండ్ కుమారుడు, కోడలు ఫ్యాషన్ రంగంలో ఉన్నారు. దీంతో వారి ద్వారా రేమండ్ యాడ్కు, మరో మేగజైన్కు పనిచేశారు.
|
|